Ferizaj

Deklarohet i pafajshëm U.D së drejtorit të Spitalit në Ferizaj, i akuzuar për korrupsion

Published

4 years ago

30 August, 2022

Ushtruesi i detyrës së drejtorit të Spitalit në Ferizaj, Halit Gërbeshi, i cili po akuzohet për korrupsion, u deklarua i pafajshëm në seancën e së martës në Gjykatën Themelore në Ferizaj.

Këtë deklarim, i akuzuari Gërbeshi e bëri pas leximit të aktakuzës nga prokurorja Sebahate Sinani, dhe pasi që deklaroi se e ka të qartë aktakuzën dhe se nuk kishte nevojë për sqarime shtesë.

Paraprakisht, më 30 maj 2022 është mbajtur seanca fillestare ku gjykatësi i kësaj çështjeje, Habib Zeqiri njoftoi se i akuzuari Halit Gërbeshi ka arritur marrëveshje për pranimin e fajësisë me Prokurorinë Themelore në Ferizaj, të cilën më pas gjykatësi Zeqiri pas deklarimit të të akuzuarit Gërbeshi, e refuzoi.

Pas deklarimit të të akuzuarit, seanca e së martës vazhdoi me fjalën hyrëse, ku prokurorja Sebahate Sinani tha se në seancat në vazhdim do të vërtetohet se i akuzuari ka kryer veprat penale siç i përshkruan aktakuza.

“Dyshimi i bazuar mirë se nga veprimet e të akuzuarit përmbushen elementet e veprës penale të cilat i vihen në barrë, e që gjatë shqyrtimeve gjyqësore do të vërtetohet fajësia, i propozoj gjykatës që të akuzuarin ta gjejë dhe ta shpallë fajtor”, ka thënë prokurorja Sinani.

Përfaqësuesja e palës së dëmtuar, Behare Rexhaj tha se e përkrah fjalën e prokurorës Sebahate Sinani.

Ndryshe, mbrojtësi i të akuzuarit Halit Gërbeshi, avokati Salih Gjonbalaj në fjalën e tij hyrëse tha se kjo aktakuzë nuk është e mbështetur në prova dhe se nga shqyrtimet gjyqësore do të vërtetohet pafajësia e të mbrojturit të tij.

Tutje, në këtë fazë të procedurës u dëgjuan dëshmitarët Dibran Zogaj dhe Hajdin Lata, mirëpo me vendim të kryetarit të trupit gjykues, Habib Zeqiri, është vendosur të ndalohet publikimi i dëshmisë së dëshmitarëve.

Seanca e radhës për këtë rast u caktua më 31 gusht 2022, ku do të vazhdohet me dëgjimin e dëshmitarëve të tjerë.

Sipas aktakuzës së Prokurorisë, nga shtatori 2021 e deri në dhjetor 2021, në Ferizaj, i pandehuri në cilësinë e personit zyrtar, ushtrues i detyrës së Drejtorit të Spitalit të Përgjithshëm në Ferizaj, duke shfrytëzuar detyrën apo autoritetin e tij zyrtar, në vazhdimësi dhe me dashje, ka tejkaluar kompetencat e tij zyrtare, me qëllim të përfitimit të dobisë së kundërligjshme pasurore për vete.

Aktakuza thotë se i njëjti, në pompën e derivateve “HIB Petrol” e cila gjendet në Ferizaj, shtatë herë, ka furnizuar me derivate në kuadër të tenderit të spitalit, veturën e tij private të markës HUNDAY, pa u pajisur me vendim nga ana e Bordit Drejtues të SHSKUK-së dhe në këtë mënyrë i ka shkaktuar dëm material buxhetit të Spitalit të Përgjithshëm në Ferizaj në shumë prej 403 euro e 97 centë.

Me çka, ngarkohet se ka kryer veprën penale “Keqpërdorimi i pozitës apo autoritetit zyrtar” nga neni 414, paragrafi 1 lidhur me nenin 77 të Kodit Penal.

Tutje thuhet se i njëjti, në muajin dhjetor të vitit 2021, në Spitalin e Përgjithshëm të Ferizajt, si person zyrtar, në pozitën e Ushtruesit të Detyrës së Drejtorit të Spitalit, me dashje dhe në mënyrë të drejtpërdrejtë, me qëllim të përfitimit të kundërligjshëm pasuror për vete, ka ushtruar ndikim të padrejtë në vendimmarrjen e personit zyrtar.

Aktakuza thotë se me ndërmarrjen e këtij veprimi të paligjshëm, i njëjti ka furnizuar me derivate veturën e tij private të markës HUNDAY duke i shkaktuar dëm material buxhetit të Spitalit të Përgjithshëm në Ferizaj në shumë prej 403 euro e 97 centë.

Me çka, ngarkohet se ka kryer veprën penale “Ushtrimi i ndikimit” nga neni 424, paragrafi 1 i Kodit Penal. /BetimipërDrejtësi

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

7 days ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG