Ferizaj

Mamografi falas gjatë tetorit në QKMF-në e Ferizajt

Published

2 years ago

03 October, 2022

Qendra Kryesore e Mjekësisë Familjare në Ferizaj njofton se gjatë këtij muaji do të ofrojë shërbimet e mamografisë falas.

Kjo QKMF fton gratë e komunës së Ferizajt që të shfrytëzojnë këtë mundësi për të evituar dilemat dhe rreziqet nga kanceri i gjirit, përcjell TV TEMA.

“Shërbimet e mamografisë në QKMF ofrohen në objektin e Kabinetit të Rëntgenit, çdo ditë pune prej orës 07:00 deri në 13.00”, thuhet më tutje në njoftim.

Njoftimi i plotë i QKMF-së:

QKMF-FERIZAJ GJATË MUAJIT TETOR OFRON SHËRBIME TË MAMOGRAFISË FALAS

Tetori – Muaji i Ndërgjegjësimit për Kancerin e Gjirit është një fushatë mujore që ndihmon në rritjen e vëmendjes dhe mbështetjes për ndërgjegjësimin, zbulimin dhe trajtimin e hershëm të kancerit të gjirit. Në kuadër të këtij muaji Qendra Kryesore e Mjekësisë Familjare në Ferizaj, ashtu si edhe vitet e kaluara, edhe këtë vit ofron falas shërbimet e mamografisë. Ftohen gratë e komunës sonë që të shfrytëzojnë këtë mundësi për të evituar dilemat dhe rreziqet lidhur me kancerin e gjirit, sepse zbulimi i hershëm i tij sjell rezultate më të mira. Shërbimet e mamografisë në QKMF ofrohen në objektin e Kabinetit të Rëntgenit, çdo ditë pune prej orës 07:00 deri në 13.00.

Ferizaj

Arrestohet një ish zyrtar i gjendjes civile në Ferizaj

Published

2 days ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

3 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

3 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.