Kosovë

Grevistët nga administrata publike kërkojnë pagën e shtatorit

Published

4 years ago

04 October, 2022

Sindikata e Pavarur e Administratës sē Kosovës (SPAK), ka kërkuar nga Qeveria e Kosovës që sa më parë t’i procedojë pagat për muajin shtator e po ashtu urgjentisht të ulet me sindikatat që t’i diskutojë kërkesat e tyre.

Kjo sindikatë përmes një komunikate për media të martën, ka thënë se ndalja e pagës është shkelje ligjore dhe se Qeveria aktuale ka për mision që t’i shkatërrojë sindikatat.

“Ndalja e pagës është shkelje ligjore tani me e thëne nga te gjithë por s’mjafton kjo e fatkeqësisht shkelëse e ligjit behet vet Qeveris e cila ne rrethana normale do duhej te jetë zbatuese e drejt dhe transparente e ligjeve, por siç shihet kjo qeveri ka për mision shkatërrimin sindikatave dhe gjithçka tjetër qe ka te bëj me demokracinë dhe te menduarit ndryshe, kjo tendencë është e rrezikshme dhe duhet distancuar nga kjo formë e te menduarit dhe vepruarit nga kjo qeveri”, thuhet në komunikatë.

Sindikata ka thënë po ashtu se vazhdon të qëndrojë fuqishëm përkrahë Sindikatës së Bashkuar të Arsimit, Shkencës dhe Kulturës (SBASHK).

Ministrja e Arsimit, Arbërie Nagavci, ka bërë të ditur të martën se do të kompensohen vetëm mësimdhënësit të cilët kanë punuar.

Punonjësit e administratës publike, mësimdhënësit dhe të tjerë ishin në grevë nga 25 gushti deri më 1 tetor, kur u pezullua ajo.

Kërkesë e grevistëve ishte ndarja e 100 eurove shtesë në muaj deri në miratimin e Ligjit të pagave. Qeveria ofroi 50 euro për tre muaj rresht./Koha

Kosovë

Janë ekzekutuar shtesat prej 100 eurosh për fëmijë

Published

19 hours ago

26 May, 2026

Redaksia

Ministri nё detyrё për Punë, Familje dhe Vlera të Luftës Çlirimtare, Andin Hoti, njoftoi se sot janë ekzekutuar shtesat prej 100 euro pёr pensionistёt dhe fёmijёt.

Ditë më parë, qeveria nё detyrё e Kosovёs vendosi pёr ekzekutimin e pakos pёr pёrballje me inflacionin 2.0 e cila parasheh mbёshtjetje pёr pensionistë, fёmijё, lehona, student aktiv, punёtorё privat dhe për familjet nё nevojё.

Kosovë

Shtesat prej 100 € për pensionistët dhe fëmijët ekzekutohen para festës së Bajramit

Published

5 days ago

22 May, 2026

Redaksia

Ministri në detyrë i Financave, Punës dhe Transfereve, Hekuran Murati, ka bërë të ditur se ekzekutimi i shtesave prej 100 € për pensionistët dhe fëmijët, do të bëhet me fillim të javës së ardhshme, mundësisht para festës së Bajramit.

Përmes një video-postimi, Murati tha se javën tjetër do të hapet aplikimi për masën e mbështetjes për studentët dhe punëtorët jashtë sektorit publik, ndërsa ekzekutimi do të bëhet pasi të përfundojë verifikimi i të dhënave.

Ai shtoi se të drejtën për të përfituar mbështetjen kanë studentët aktiv dhe të rregullt në vitin akademik 2025-2026, të gjithë të punësuarit në sektorin privat por dhe ata të ndërmarrjeve publike që nuk paguhen nga buxheti i shtetit e që fitojnë më pak se 1 mijë euro pagë mujore.

Art & Showbiz

Ambasada e Francës uron regjisoren Blerta Basholli dhe ekipin e filmit “DUA”, për çmimin e fituar në Festivalin e Kanës

Published

5 days ago

22 May, 2026

Redaksia

Ambasada e Francës në Kosovë përmes një postimi, ka uruar regjisoren Blerta Basholli dhe ekipin e filmit “DUA”, për fitimin e çmimit SACD në Festivalin e Kanës.

“Urime Blerta Basholli, regjisore dhe skenariste, & Nicole Borgeat, bashkë-skenariste, për suksesin e filmit DUA, i vlerësuar me SACD Award në edicionin e 65 të Semaine de la Critique – Cannes në Festivalin e Kanës .

Një sukses i madh për kinematografinë kosovare. Ju lumtë!” thuhet mes tjerash në postim.