Ferizaj

Trajneri kroat i FC Ferizaj vlerëson kosovarët: Keni talent e cilësi por duhet të punoni

Published

4 years ago

13 October, 2022

Klubi i futbollit Ferizaj prezantoi trajnerin e ri Andrej Panadiq nga Kroacia.

Kryetari i klubit, Lulzim Abazi në konferencë tha se synimi është renditja sa më e lartë. Teksa shtoi se nuk është shqetësuese renditja si të fundit të Superligë pasi që ka hapësirë për përmirësim.

“I kemi kushtu rëndësi përzgjedhjes së kryetrajnerit. Superliga është bë shumë interesante e prandaj edhe kemi pasë shumë oferta, edhe nga shtetet si Anglia, Turqia e shtetet që na rrethojnë nga menagjerë e trajnerë të ndryshëm por ne kemi vlerësu që sistemi kroat na përgjigjet si filozofi“, thotë Abazi.

Trajneri Panadiq tha se ka parë disa lojë të Ferizajt dhe se do të punojë shumë dhe se ka mentalitet të njëjtë me shqiptarët.

“Jemi të fundit në tabelë por janë 2 ose 3 ekipe me nga 8 pikë, çka nëse fitojmë? Para nesh 1 ose 2 ekipe i kanë 11 pikë, gjithçka ndryshon. Në 2-3 lojë gjithçka ndryshon. Cili është objektivi im? Unë duhet te njoh skuadrën personalisht. Kam pare disa loje, ka material ne këtë skuadër. Ju duhet ta dini se ju nga Kosova jeni shume te talentuar ne futboll. Unë kam luajtur me një prej jush, me Kujtim Shalen, për mua një lojtar i mrekullueshëm, sa lojtarë me cilësitë e tij ka tani ne Kosove? Unë mendoj shumë, por duhet të punoni me ta. Me e rëndësishmja është puna, ky është qëllimi im tani sepse nuk mund të ndryshojmë asgjë në tre ditë“, deklaroi Panadiq.

Trajneri Panadiq përfundoi fjalën e tij duke shtuar se do të tentoj të njihet personalisht me ekipin dhe të punojë me ta për të arritur synimet.

Related Topics:Ferizaj Kosove panadic Sport

Up Next

Dy seanca plenare mbahen sot në Kuvendin e Kosovës

Don't Miss

Kurti i gatshëm për takim me Vuçiqin, flet edhe për vizat

Click to comment

Ferizaj

Qytetarëve u vijnë mesazhe mashtruese – Policia apelon për kujdes

Published

1 day ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.

Ferizaj

Tërhiqet mjeti i dyshuar shpërthyes nga Lybeteni

Published

1 week ago

28 July, 2026

Redaksia

Policia e Kosovës ka njoftuar se në bashkëpunim me njësitet e specializuara të FSK-së dhe KFOR-it kanë identifikuar dhe tërhequr një mjet të dyshuar shpërthyes në territorin e Parkut Kombëtar të Lybetenit.

Raportimin dje e kishte bërë të një qytetar i cili ka hasur në mjetin e dyshuar përderisa kishte qenë duke mbledhur boronica.

Luboten, Parku Nacional 27.07.2026 – 12:16.

“ Dëshmitari mashkull kosovar ka raportuar se derisa ka qenë duke mbledhur fruta-Boronica, në fushë ka hasur në një mjetë të dyshuar shpërthyes. Njësiti përkatës policor ka siguruar vendin e ngjarjes derisa njësiti për deminim i FSK-së dhe KFOR-it kanë dalë në vendin e ngjarjes dhe kanë bërë tërheqjen e mjetit pa incidente”, ka njoftuar Policia.

Ferizaj

Brenda një jave në rajonin e Ferizajt u regjistruan 63 aksidente në trafik

Published

1 week ago

27 July, 2026

Redaksia

Policia Rajonale e Ferizajt ka bërë të ditur se nga data 20 deri më 26 korrik 2026 ka shqiptuar 1699 gjoba të trafikut derisa janë pezulluar edhe 36 patentë shoferë për drejtuesit e automjeteve që kanë kryer shkelje të rënda në komunikacion.

Gjatë kësaj periudhe janë regjistruar gjithsej 63 aksidente, prej të cilave 25 aksidente me lëndime, ku janë lënduar 36 persona ndërsa 38 aksidente tjera ishin vetëm me dëme materiale.