Kosovë

Qeveria akuzohet se qëllimisht nuk po e dërgon në Kuvend Ligjin për Paga

Published

2 years ago

25 October, 2022

Kryetari i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se Qeveria qëllimisht nuk po e dërgon Ligjin për Pagat në Kuvend, në mënyrë që sipas tij, ai të mos hyjë në zbatim në fillim të vitit të ardhshëm.

Tahiri ka thënë të martën pas mbledhjes së Kryesisë së Kuvendit, se me dinamikën aktuale, Ligji për Pagat nuk do të hyjë në fuqi as në janar të vitit 2024.

“Ajo që dua të theksoj e që po ashtu këtë diskutim e ngrita ka të bëjë me ligjet vitale të cilat nuk janë duke ardhur në Kuvend dhe njëri nga ta është Ligji i Pagave i cili po shtyhet me të vetmin qëllim që të mos hyjë në zbatim në janar të vitit të ardhshëm. Shihet qartë që Qeveria ka dështuar dhe Ligji i Pagave jo në janar të vitit 2023, por me këtë dinamikë nuk do të hyjë në zbatim as më 1 janar të vitit 2024”, ka thënë Tahiri.

Ligji për Pagat ka qenë një nga kërkesat kryesore në grevën e punonjësve publikë që u mbajt nga 25 gushti e deri më 3 tetor.

Diskutimi publik për projektligjin ka përfunduar që disa ditë./koha

Kosovë

Deri më 24 maj regjistrimi i popullatës mund të kryhet vetëm nga stafi i ASK-së

Published

41 mins ago

18 May, 2024

Redaksia

Agjencia e Statistikave së Kosovës ka njoftuar se regjistrimi i popullsisë është shtyrë deri më 24 maj 2024. Në njoftim bëhet e ditur se shtyrja e afatit u mundësua pas miratimit në Qeveri të propozimit nga ASK-ja bazuar në kërkesën e disa komunave .

“Meqenëse Regjistrimi i Popullsisë në terren, sipas Vendimin të Qeverisë të datës 21 nëntor 2023 ishte deri më 17 Maj 2024, bazuar në kërkesat e disa komunave dhe duke u bazuar në sistemin monitorues që ka ngritur Agjencia e Statistikave të Kosovës (ASK) për ta monitoruar ecurinë e procesit, vlerësuam se mund të ketë individë, ekonomi familjare ose edhe ata që kanë refuzuar (për momentin) dhe kërkuam nga Qeveria një shtyrje të afatit të Regjistrimit të Popullsisë (ReKos2024) deri më 24 Maj 2024 që është aprovuar nga ana e Qeverisë”, thuhet në njoftimin e ASK-së.

ASK thotë se gjatë kësaj periudhe, regjistrimi do të bëhet në çdo zonë regjistruese (fshat e komunë) të Kosovës dhe do të zhvillohen vetëm nga stafi i Agjencisë së Statistikave të Kosovës.

Po ashtu ASK bën thirrje për qytetarët që nuk janë regjistruar të kërkojnë të regjistrohen, duke inkurajuar ata që t’i kontaktojnë zyrtarët e Agjencisë së Statistikave të Kosovës.

Kosovë

Shembja e dheut bllokon rrugën Gjakovë-Klinë

Published

3 hours ago

18 May, 2024

Redaksia

Rruga Gjakovë-Klinë është bllokuar për qarkullim për shkak të shembjes së dheut.

Sipas Policisë, shembja e dheut në fshatin Volljakë ka paralizuar qarkullimin në rrugën magjistrale Klinë-Gjakovë që nga ora 1:00 pas mesnatës.

Kompania e kontraktuar për punimet në këtë rrugë është duke u përpjekur të largojë masën e madhe të dheut të shembur .

Kosovë

Humb jetën nga kontakti me rrymën elektrike

Published

4 hours ago

18 May, 2024

Redaksia

Një person ka humbur jetën pas kontaktit me rrymë. Rasti ndodhi mbrëmjen e së premtes në fshatin Hoçë të Qytetit në Prizren.

Në raportin 24 orësh të Policisë së Kosovës bëhet e ditur se me vendim të prokurorit trupi i pa jetë është dërguar në Institutin e Mjekësisë Ligjore ( IML ) për obduksion.

Njoftimi i plotë:

“Fshati Hoq e Qytetit, Prizren 17.05.2024-19:30. Raportohet se viktima mashkull kosovar, ka humbur jetën si pasoj e kontaktit me rrymë. Vdekjen e viktimës e ka konstatuar ekipi mjekësor në vendim e ngjarjes. Me vendim të prokurorit trupi i pa jetë dërgohet në IML për obduksion”.