Komuna e Ferizajt ka hedhur në diskutim publik “Rregulloren për taksat komunale”.

Derisa më 14 nëntor nga ora 10:00 qytetarët mund të marrin pjesë në dëgjimin publik të organizuar nga ky institucion në sallën e Kuvendit Komunal, ferizajasit mund të dërgojnë komentet tek institucioni nga sot deri më 20 nëntor në ora 16:00.

Kjo draft rregullore që është hedh në diskutim publik përfshin çdo taksë që qytetarët e Ferizajt do të paguajnë për marrjen e shërbimeve nga Komuna.

Ndonëse ka disa shërbime për të cilat qytetarët nuk kanë nevojë të paguajnë, ferizajasit për pagesë shumën më të vogël e kanë 30 cent për marrjen e medikamentit shëndetësor nga lista esenciale, që ofrohet nga barnatorja publike e institucionit shëndetësor komunal, kurse si shumën më të lartë që qytetarët mund të paguajnë si taksë komunale është ajo prej 500 euro për regjistrimin e pronësisë në bazë të vlerës së transaksionit, kur transaksioni është në vlerë mbi 1 milionë euro.

Sipas kësaj draft rregullore, klubet sportive që duan të marrin në shfrytëzim stadiumet publike të futbollit të madh me rezervim në mbrëmje, deri në 5 orë, duhet të paguajnë 700 euro.

Taksa më interesante për tu paguar del të jet ajo për ata që duan të ndryshojnë emrin, të cilët për këtë do të duhet të paguajnë 10 euro.

Draft rregullorja e plotë mund të gjendet në këtë link.

Komentet rreth kësaj rregulloreje, ferizajasit mund t’i dërgojnë në emailin e Komunës: info.ferizaj@rks-gov.net, në emailin e nënkryetarit të Komunës, në platformën e konsultimeve dhe në rubriën për konsultime në web-faqen e Komunës(për momentin nuk funksionon).

Njoftimi nga Komuna e Ferizajt:

Shiko edhe: