Ferizaj

“Bifrukacioni” bën thirrje për kursim të ujit, si pasojë e shiut prodhimi nuk është në maksimum

Published

4 years ago

21 November, 2022

KRU “Bifurkacioni” njofton se uji është tubulluar si pasojë e reshjeve të shiut.

Si pasojë e shiut është bllokuar ujëmbledhësi tek Lumi i Madh dhe “Bifrukacioni” thotë se nuk ka pas prodhim maksimal, përcjell TV TEMA.

“Gjithashtu, luteni konsumatorë të nderuar që të i verifikoni lidhjet e juaja tek puseta e ujëmatësit sepse në rast se keni ndonjë rrjedhje atëherë mund të ndodhë që gjatë reshjeve të shiut të ju mbushet puseta me ujë dhe uji mund të deportojë në rrjetin tuaj të furnizimit dhe uji i pijes në këto raste mund të kontaminohet. Prandaj, në situatë të tillë rekomandohet që uji i pijës të vlohet para përdorimit. Nëse turbiditeti i ujit vërehet që është i theksuar, rekomandohet që të mos përdoret për pije deri në stabilitetin e gjendjes dhe të lajmëroni rastin në KRU “Bifurkacioni””, thuhet mes tjera në njoftim.

“Bifrukacioni” po ashtu bën thirrje të kursehet uji.

Njoftimi i plotë i “Bifrukacionit”:

KRU “BIFURKACIONI” NJOFTON KONSUMATORËT PËR TURBIDITETIN E UJIT!

Si pasojë e reshjeve të vazhdueshme të shiut gjatë dy ditëve të fundit është rritur turbiditeti i ujit, kjo ka ndikuar që të bllokohet edhe ujëmbledhësi i Lumit të Madh dhe gjatë kësaj kohe nuk ka pasur prodhim maksimal të ujit, e gjithë kjo mund të rezultojë me mungesë të furnizimit me ujë në disa pjesë të qytetit.

Gjithashtu, luteni konsumatorë të nderuar që të i verifikoni lidhjet e juaja tek puseta e ujëmatësit sepse në rast se keni ndonjë rrjedhje atëherë mund të ndodhë që gjatë reshjeve të shiut të ju mbushet puseta me ujë dhe uji mund të deportojë në rrjetin tuaj të furnizimit dhe uji i pijes në këto raste mund të kontaminohet. Prandaj, në situatë të tillë rekomandohet që uji i pijës të vlohet para përdorimit. Nëse turbiditeti i ujit vërehet që është i theksuar, rekomandohet që të mos përdoret për pije deri në stabilitetin e gjendjes dhe të lajmëroni rastin në KRU “Bifurkacioni”.

Bëjmë thirrje gjithë konsumatorët, që ujin e pijes ta përdorin në mënyrë sa më racionale dhe ta ruajm ujin e sidomos në këtë kohë që kemi problem me trajtim të ujit në prodhim.

Kërkojmë mirëkuptimin tuaj, ekipet tona janë duke bërë përpjekje maksimale që furnizimi me ujë të kthehet në normalitet.

KRU “Bifurkacioni” SH.A

21.11.2022

Ferizaj

Bëhet i ditur identiteti i viktimave të aksidentit tragjik në Gjermani

Published

1 hour ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 hours ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

2 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.