Ferizaj

Ndihmoi në ikjen e të dyshuarit për grabitje, arrestohet 45 vjeçari

Published

2 years ago

03 March, 2023

Policia rajonale e Ferizajt ka arrestuar B.K i moshës 45 vjeçare i cili dyshohet se ka ndihmuar Veton Esatin(i kërkuar nga Policia për grabitje) për të dal në Maqedoninë e Veriut.

Sipas Policisë, B.K pas arrestimit më 2 mars 2023 është ndaluar në mbajtje për 48 orë, përcjell TV TEMA.

Njoftimi i plotë nga Policia:

Arrestohet një person në Han të Elezit për veprën penale, “Dhënia e ndihmës kryesve pas kryerjes së veprave penale”

Sektori Rajonal i Hetimeve, pas punëve intenzive, grumbullimit të informacioneve në terren në kërkim të të dyshuarit Veton Shefki Esati, për të cilin Policia Rajonale e Ferizajt ka kërkuar bashkëpunim me qyetatarët për kapjen e tij, i cili dyshohet se ka kryer disa grabitje të armatosura në rajonin e Ferizajt, sot(2 mars) hetuesit rajonal rreth orës 14:00 kanë arrestuar personin B.K (M/K) i moshës 45 vjeçar.

Personi B.K dyshohet se i ka ofruar ndihmë pas kryerjes së veprës penale të dyshuarit Veton Esatit me dyshimim se i ka ndihmuar në transport për të kaluar kufirin nga Republika e Kosovës për në Republikën e Maqedonisë së Veriut.

I dyshuari B.K është shoqëruar në Sektorin Rajonal të Hetimeve në Ferizaj dhe me vendim të prokurorit kujdestar nga Prokuroria Themelore në Ferizaj është ndaluar në mbajtje për 48 orë për procedura të mëtejme hetimore, ndërsa rasti është cilësuar “Dhënia e ndihmës kryesve pas kryerjes së veprave penale”

Ferizaj

Policia e Ferizajt pezullon 20 patentë shoferë brenda një jave

Published

1 day ago

14 July, 2025

Redaksia

Policia Rajonale e Ferizajt ka njoftuar se gjatë javës së kaluar, nga data 07-13.07.2025, janë shqiptuar 1,681 gjoba kundërvajtëse, si dhe janë pezulluar 20 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe janë regjistruar gjithsej 40 aksidente, nga të cilat 22 aksidente me lëndime, ku kanë mbetur të lënduar 29 persona kurse 18 aksidente ishin vetëm me dëme materiale

Policia Rajonale e Ferizajt bëri të ditur do të vazhdojë me aktivitete të shtuara për të parandaluar aksidentet derisa ka apeluar tek të gjithë drejtuesit e automjeteve që të respektojnë rregullat e trafikut.

Ferizaj

Zbulohen pesë emigrantë në një kamion në Terminalin Doganor në Ferizaj

Published

3 days ago

12 July, 2025

Redaksia

Policia e Kosovës ka gjetur 5 emigrantë të paligjshëm në një rimorkio kamioni në Terminalin Doganor në Ferizaj.

Sipas policisë, tre nga emigrantët e zbuluar janë të moshës 17 vjeç, një 18 vjeç dhe një 28 vjeç.

“Sot, më datë 11.07.2025, rreth orës 16:00, policia ka pranuar një informatë se në Terminalin Doganor, në rrugën “Driton Islami” në Ferizaj, në një rimorkio të një kamioni me targa vendore, sipas zyrtarëve doganorë, dyshohej se ndodheshin disa emigrantë të paligjshëm.

Menjëherë pas pranimit të informacionit, në vendngjarje kanë dalë njësitë reaguese dhe Njësia e Hetimeve nga stacioni policor në Ferizaj. Pas hapjes së bllokadave të rimorkios, janë hasur pesë emigrantë: tre prej tyre 17 vjeç, një 18 vjeç dhe një 28 vjeç, të cilët nuk posedonin dokumentacion identifikues.

Lidhur me rastin janë njoftuar prokurori kujdestar dhe njësia për migrim, të cilët kanë dalë në vendin e ngjarjes dhe kanë marrë në trajtim të mëtejshëm të dyshuarit, si dhe drejtuesin e kamionit, shtetasin kosovar B.B., 38 vjeç.” thuhet në njoftimin e policisë.

Ferizaj

Ndëshkohet me 300€ gjobë dhe 6 muaj ndalesë për tejkalim të shpejtësisë në Ferizaj

Published

4 days ago

11 July, 2025

Redaksia

Një shofer 22-vjeçar është kapur nga policia në Ferizaj duke qarkulluar me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, shoferi E.S është gjobitur me 300 euro, 3 pikë negative dhe ndalim i drejtimit të mjetit për 6 muaj

“Sot, më datë 11.07.2025, rreth orës 09:35, njësia policore nga Njësia e Komunikacionit Rrugor në Ferizaj, gjatë kontrollit me radar në rrugën “Brahim Ademi” në Ferizaj, ka ndaluar një automjet të tipit VW Touran me targa vendore. Gjatë matjes së shpejtësisë, është konstatuar se shoferi E.S., 22 vjeç, po qarkullonte me shpejtësi 106 km/h në një zonë ku kufizimi i lejuar është 40 km/h.

Për këtë kundërvajtje, ndaj tij janë shqiptuar këto masa:

Gjobë në vlerë prej 300€,

3 pikë negative dhe masë mbrojtëse – ndalim i drejtimit të mjetit për 6 muaj.”