Për një javë në Ferizaj ndodhën 26 aksidente trafiku, katër prej tyre me të lënduar e 22 me dëme materiale.

Gjatë javës që shkoi u shqiptuan 1441 gjoba në trafik dhe u hoqën 22 patentë shoferë, përcjell TV TEMA.

Raporti i plotë i Policisë:

Policia Rajonale e Ferizajt ka ndërrmarrë një sërë aktivitetesh në identifikimin e kundërvajtësve të ndryshëm në komunikacion, me qëllim parandalimin e aksidenteve. Në kuadër të këtyre aktiviteteve policia rajonale e Ferizajt, gjatë javës që shkoi nga data 20-26/03/2023 ka shqiptuar 1441 gjoba kundërvajtëse, ndërsa ka hequr edhe 22 patentë shoferë, për drejtuesit që kanë shkaktuar kundërvajtje më të rënda në komunikacion.

Ndërsa, janë raportuar 26 aksidente, prej tyre:

– Aksidente me lëndime, 4

Persona të lënduar, 5

– Aksidente me dëme materiale, 22

Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelon tek shoferët që të bëjnë kujdes në komunikacionin rrugor.

Ndërsa, ftojmë qytetarët që të bashkëpunojnë më policinë.

Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

Të dhënat e juaja do të ruhen në konfidencialitet të plotë.