Ferizaj

Komuna e Ferizajt “nën llupën” e Prokurorisë, hetohet “150 vjetori i qytetit”

Published

3 years ago

16 May, 2023

administrator

Prokuroria Themelore e Ferizajt ka filluar hetimet rreth tenderit “Aktivitete, 150 vjetori i qytetit të Ferizajt”.

Ky tender, kur u nënshkrua kapi vlerën prej mbi 331 mijë euro.

TV TEMA kishte raportuar për shkeljet procedurale që ishin kryer qysh nga inicimi i kësaj procedure të prokurimit.

Prokuroria e Ferizajt në një përgjigje për TV TEMA konfirmuan hetimet rreth këtij rasti.

“Ju njoftojmë se lidhur me aktivitetin e prokurimit “Aktivitete, 150 vjetori i qytetit të Ferizajt”, Prokuroria Themelore në Ferizaj, ka autorizuar Policinë për ndërmarrjen e gjitha veprimeve të nevojshme hetimore dhe rasti aktualisht është në procedurë hetimore“, thuhet në përgjigjen e Prokurorisë për TV TEMA.

Ky aktivitet i prokurimit ishte inicuar nga Drejtoria e Kulturës në Komunën e Ferizajt duke përdor procedurën e negociuar pa publikimin e njoftimit për kontratë, gjë që ka pamundësuar një procedurë të hapur të konkurimit për këtë tender.

Për këtë aktivitet, Komuna e Ferizajt nuk kishte ndarë buxhet fare, megjithatë kontrata është nënshkruar, e nga Drejtoria e Kulturës për TV TEMA-n patën thënë që paratë u morën nga kategoria “Mallra dhe shërbime”.

Shiko edhe dy hulumtimet e kryera nga TV TEMA për këtë çështje:

Related Topics:aktivitete Ferizaj komuna e ferizajt kultura qyteti tendere

Up Next

Aksion kundër fajdeve, arrestohen katër persona

Don't Miss

Dhunohet një i mitur dhe raportohen tri raste të dhunës në familje në Ferizaj

Click to comment

Ferizaj

Pesë shoferëve u pezullohen patentat në rajonin e Ferizajt

Published

7 hours ago

24 November, 2025

Redaksia

Njësitë e Komunikacionit Rrugor në Ferizaj kanë ndëshkuar pesë shoferë për kundërvajtje të rënda në trafik, në Shtime dhe në Ferizaj.

Sipas policisë, më datë 22.11.2025, në rrugën “Adem Jashari” në Shtime, janë ndaluar shoferët:

I.R., 31-vjeçar, i cili me veturën VW Golf është kapur duke lëvizur me 90 km/h në zonën me kufizim 40 km/h. Është ndëshkuar me gjobë prej 200 euro, 2 pikë negative dhe 3 muaj pezullim të patentë shoferit.

Y.B., 30-vjeçar, i cili me veturën Audi është kapur duke lëvizur me 93 km/h në zonën me kufizim 40 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

B.T., 40-vjeçar, i cili me veturën Toyota është kapur duke kryer tejkalim në vijë të plotë dhe është ndëshkuar me 200 euro, 2 pikë negative dhe 3 muaj pezullim të patentë shoferit.

M.G., 30-vjeçar, i cili me veturën VW Caddy është kapur duke përdorur telefonin gjatë ngasjes. Pas verifikimit, u konstatua se kjo ishte përsëritje e kundërvajtjes dhe u ndëshkua me 200 euro, 2 pikë negative dhe 3 muaj pezullim të patentë shoferit.

Ndërsa në rrugën “Brahim Ademi” në Ferizaj, është ndaluar:

H.K., 39-vjeçar, i cili me veturën VW Golf është kapur duke lëvizur me 100 km/h në zonën me kufizim 50 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

Policia Rajonale e Ferizajt apelon tek të gjithë shoferët që të respektojnë kufizimet e shpejtësisë dhe shenjat e komunikacionit.

Ferizaj

Disa pjesë të Ferizajt të shtunën sërish pa rrymë për 9 orë

Published

3 days ago

21 November, 2025

Redaksia

KEDS ka njoftuar se të shtunën, 22 nëntor 2025, qendra e qytetit të Ferizajt dhe disa rrugë përreth do të mbeten pa rrymë nga ora 9:00 deri në orën 18:00.

Sipas njoftimit të KEDS, shkaku i ndërprerjes së furnizimit me energji elektrike është realizimi i projekteve investive.

Nga TS 35/10kV Ferizaj II do të ndërpritet:

Dalja 10[kV] J12 Banka 1&2 (kodi: 40041039) nga ora 09:00 deri në ora 18:00

Vendet: MBTS Banka,TS Fatmir Rashani,TS Halil Haxhidema,TS TMK Ndërtesa,TS Koncorzium Komuna (përballë Spitalit)

Arsyeja: Projekte Investive, Konvertimi i Daljes 2 20kV!

Nga TS 35/10kV Ferizaj III do të ndërpritet:

Dalja 10[kV] Ylli 2 (kodi: 40042016) nga ora 09:00 deri në ora 18:00

Vendet: Rr. Skënderbeu, rr.Sadik Tafarshiku, rr.Riza Goga, rr.12 Qershori, VIVA FRESH SH.P.K. Xhevdet Rexhepi, rr.Agim Matoshi, rr.Imri Halili

Arsyeja: Projekte Investive, Konvertimi i Daljes 2 20kV!

Ferizaj

Zjarri që përfshiu objektin afarist në Ferizaj ende aktiv

Published

4 days ago

20 November, 2025

Redaksia

Zjarri që përfshiu objektin afarist dhe depon e kompanisë ferizajase “Elita” ende nuk është shuar.

Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij.

Në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit ndërkaq hetimet për shkaqet e zjarrit janë duke u zhvilluar me autorizim të prokurorit të shtetit.

Sipas pronarit të biznesit, dëmet e shkaktuar nga ky zjarr kapin shifrën rreth 15 milionë euro.