Bllokohet ujëmbledhësi në Nerodime, Ferizaj me mungesë të ujit

Published

3 years ago

06 July, 2023

Për shkak të shiut të rrëmbyeshëm që kaploi Ferizajn gjatë së mërkurës mbrëma, qyteti sot po përballet me mungesën e ujit.

Një burim anonim i ka treguar TV TEMA-s se tek Lumi i Madh në Nerodime është bllokuar kaptazha e ujëmbledhësit dhe se sot gjatë ditës qytetarët do të përballen me mungesën e ujit.

Kjo u konfirmua edhe nga një postim i KRU “Bifurkacioni”, ku thuhet se për shkak të vërshimeve është bllokuar ujëmbledhësi tek Lumi i Madh dhe Lumi i Vogël.

Sipas burimit të TV TEMA-s, furnizimi me ujë ka gjasë të mos kthehet në suazat normale deri të premten në orët e paradites.

Ekipet e KRU “Bifurkacioni” janë duke punuar në zhbllokimin e ujëmbledhësit.

Postimi i plotë i KRU “Bifurkacioni”:

NJOFTIM,
Të nderuar konsumatorë ju njoftojmë se për shkak të vërshimeve nga reshjet e theksuara të shiut gjatë dy ditëve të fundit, ka ndikuar që të bllokohen ujëmbledhësit tek Lumi i Madh dhe Lumi i Vogël në Jezerc si dhe dëmtimin e një pjese të infrastrukturës, ka bërë të pamundur furnizimin në suaza të normalës.
Ekipet tona operacionale janë duke bërë përpjekje maksimale që furnizimi me ujë të kthehet në normalitet sa më parë që është e mundur.
Meçense prodhimi është në kuota minimale, Kompania Bifurkacioni u bën thirrje gjithë konsumatorëve, që ujin e pijes ta përdorin në mënyrë sa më racionale.
Faleminderit për mirëkuptimin tuaj!
KRU “Bifurkacioni” Sh.A
06.07.2023
KRU “Bifurkacioni” Sh.A

Ferizajasi dorëzon në polici portofolin e gjetur me dokumente dhe 160 €

Published

20 hours ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

2 days ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.

Ferizaj

“Ecim me policinë tonë” – Aktivitet në shënim të Ditës së Çlirimit të Ferizajt

Published

1 week ago

11 June, 2026

Redaksia

Në shënim të Ditës së Çlirimit, Stacioni policor në Ferizaj, organizon më 12 Qershor ecjen e përbashkët me Forcën e Sigurisë, institucionet lokale, shoqërinë civile, klubet sportive dhe organizatat e ndryshme.

Në njoftim bëhet e ditur se aktiviteti do të nisë nga Palestra e Sporteve “Bill Clinton”, fiks nga ora 08:30 dhe do të përmbyllet në Parkun e Lirisë, ku do të organizohet një koktej rasti, si dhe do të zhvillohen rrëfime historike nga pjesëmarrësit dhe diskutime të hapura mbi rëndësinë e kësaj dite dhe vlerat e saj.

Bashkohuni me ne në Ecjen për Lirinë – në rrugëtimin e përbashkët në nderim të Ditës së Çlirimit”, thuhet mes tjerash në ftesën e Stacionit policor të Ferizajt.