Ferizaj
Bllokohet ujëmbledhësi në Nerodime, Ferizaj me mungesë të ujit
Për shkak të shiut të rrëmbyeshëm që kaploi Ferizajn gjatë së mërkurës mbrëma, qyteti sot po përballet me mungesën e ujit.
Një burim anonim i ka treguar TV TEMA-s se tek Lumi i Madh në Nerodime është bllokuar kaptazha e ujëmbledhësit dhe se sot gjatë ditës qytetarët do të përballen me mungesën e ujit.
Kjo u konfirmua edhe nga një postim i KRU “Bifurkacioni”, ku thuhet se për shkak të vërshimeve është bllokuar ujëmbledhësi tek Lumi i Madh dhe Lumi i Vogël.
Sipas burimit të TV TEMA-s, furnizimi me ujë ka gjasë të mos kthehet në suazat normale deri të premten në orët e paradites.
Ekipet e KRU “Bifurkacioni” janë duke punuar në zhbllokimin e ujëmbledhësit.
Postimi i plotë i KRU “Bifurkacioni”:
NJOFTIM,
Të nderuar konsumatorë ju njoftojmë se për shkak të vërshimeve nga reshjet e theksuara të shiut gjatë dy ditëve të fundit, ka ndikuar që të bllokohen ujëmbledhësit tek Lumi i Madh dhe Lumi i Vogël në Jezerc si dhe dëmtimin e një pjese të infrastrukturës, ka bërë të pamundur furnizimin në suaza të normalës.
Ekipet tona operacionale janë duke bërë përpjekje maksimale që furnizimi me ujë të kthehet në normalitet sa më parë që është e mundur.
Meçense prodhimi është në kuota minimale, Kompania Bifurkacioni u bën thirrje gjithë konsumatorëve, që ujin e pijes ta përdorin në mënyrë sa më racionale.
Faleminderit për mirëkuptimin tuaj!
KRU “Bifurkacioni” Sh.A
06.07.2023
KRU “Bifurkacioni” Sh.A
Qendra e Ferizajt ka hyrë në orën e tetë pa furnizim me energji elektrike. Ndërprerja ka nisur rreth orës 12:00 dhe po vazhdon ende.
Sipas njoftimit të fundit nga KEDS, për shkak të mbingarkesës janë djegur kabllot e transformatorit në qytetin e Ferizajt, çka ka shkaktuar ndërprerjen e energjisë.
Linjat e prekura nga ky defekt janë linja unazore 35 kV Ferizaj 3 – Ferizaj 2, si dhe linjat 10 kV: Banka 1, Banka 2, Banka 3, Ujëvara dhe Kazerma Ferizaj.
Nga KEDS bëhet e ditur se ekipet teknike janë në terren dhe po punojnë intensivisht në sanimin e dëmit, me qëllim të rikthimit të energjisë elektrike sa më parë. Ende nuk është dhënë një afat i saktë se kur pritet normalizimi i furnizimit.
Qendra e Ferizajt ka mbi 4 orë që është pa energji elektrike, ndërprerje kjo që ka nisur rreth orës 12:00. Sipas njoftimit online të publikuar nga KESCO, arsyeja e ndaljes së energjisë elektrike është një defekt teknik i tipit “Phase to Earth short circuit”.
Sipas informacioneve në terren, pa energji elektrike kanë mbetur disa nga rrugët kryesore të qendrës së qytetit, përfshirë rrugën Dëshmorët e Kombit, rrugën Ramadan Rexhepi dhe rrugën 12 Qershori.
Deri më tani nuk ka ndonjë njoftim zyrtar nga KESCO se kur pritet të rikthehet furnizimi me energji elektrike.
Njoftimi në aplikacionin “E-KESCO”
-
Ferizaj7 hours agoQendra e Ferizajt tashmë 8 orë pa energji elektrike, KEDS konfirmon djegien e kabllove
-
Kosovë1 week agoPensionistët s’obligohen më të dëshmojnë se janë gjallë për t’i marrë pensionet
-
Kosovë1 week agoRamadan Morina akuzohet për krime lufte në Malishevë
-
Kosovë1 week agoKosova nënshkruan ujdi për blerjen e sistemeve të artilerisë HUMVEE Hawkeye nga prodhuesi amerikan
-
Ferizaj5 days agoPlagoset me armë zjarri një person në Ferizaj
-
Ferizaj1 week agoArrestohen tre të dyshuar për hajni në disa markete të Ferizajt
-
Kosovë1 week agoLigji amerikan i mbrojtjes për vitin 2026 përfshinë edhe Kosovën
-
Ferizaj12 hours agoQendra e Ferizajt mbi 4 orë pa energji elektrike
-
Kosovë1 week agoBE-ja i heq masat ndaj Kosovës, vendi pritet të përfitojë miliona euro në fillim të 2026-ës
-
Kosovë1 week agoJustina Shiroka Pula bëhet gruaja e parë në krye të ASHAK-ut
-
Kosovë1 week agoBahamas e njeh Kosovën
-
Kosovë1 week agoShtatë të arrestuarit mbrëmë, dyshohen për keqpërdorim të detyrës zyrtare dhe disa vepra tjera penale
-
Kosovë3 days agoNdërpritet seanca për shpërthimin në Ibër-Lepenc, mbrojtja kërkon përjashtimin e prokurorit
-
Kosovë16 hours agoSllagjan Trajkoviq dënohet me dhjetë vjet burgim për krime lufte në Vushtrri