Ferizaj
Kritikohet improvizimi për kalimin e hekurudhës në Ferizaj
Rreth-rrotullimi në Ferizaj, në rrugën për Shtime është bllokuar për kalim nga punët që po kryhen aty për ndërtimin e nënkalimit të ri.
Për të kaluar tek hekurudha për në rrugën “Ahmet Kaçiku” janë improvizuar disa shkallë për kalimin e këmbësorëve.
Ky improvizim po shfaq telashe për qytetarët që po kalojnë aty.
Nga fotografitë e postuara në Facebook nga Rexhep Maloku, gazetar dhe menaxher i projekteve në OJQ INPO shihen disa qytetarë që e kanë të vështirë kalimin në këtë improvizim.
Në fotografitë e postuara nga Maloku shihet një qytetar që detyrohet të bartë karrocën e fëmijëve në këto shkallë dhe një qytetar tjetër në moshë të shtyer tek bartë biçikletën.
“Është në kryeqendrën ekonomike të Kosovës, qysh ka qejf me u krenu pushteti me zhvillimin e Ferizajt. Qysh b’e këta ekspertat e Komunas dinë me ba projekte disamilionësh për nënkalime tokësore për kerre e nuk ua bashkëngjesin edhe zgjidhjet e përkohshme për kalimtarë. Sidomos për prindërit me fëmijë a pleqtë“, shkruan Maloku në postimin e tij.
Nënkalimi i ri që po ndërtohet në Ferizaj po bëhet në afërsi të stacionit policor.
Ky nënkalim do të vendos nëntokë rreth-rrotullimin në rrugën “Brahim Ademi” dhe rreth-rrotullimin para stacionit policor.
Dy kontratat e nënshkruara për këtë nënkalim të ri, faza e parë dhe e dytë arrijnë shifrën prej 7,911,111.1 euro.
Fotografitë e postuara nga Rexhep Maloku:
-
Ferizaj15 hours agoZjarri në një kompani në Ferizaj dëmtoi edhe tri shtëpi familjare
-
Ferizaj1 week agoArrestohen dy persona në Ferizaj për posedim të kokainës
-
Kosovë1 week agoJanë ekzekutuar shtesat prej 100 eurosh për fëmijë
-
Kosovë6 days agoAutoritetet e Kosovës marrin nën kontroll infrastrukturën hekurudhore në veri
-
Ferizaj2 days agoKonfiskohen dy motoçikleta dhe ndëshkohen drejtuesit e tyre në Ferizaj
-
Kosovë14 hours agoKEDS-i gjobitet edhe me 110 mijë euro për parregullësi në njehsorët elektrik