Ferizaj

Kritikohet improvizimi për kalimin e hekurudhës në Ferizaj

Published

2 years ago

25 August, 2023

Rreth-rrotullimi në Ferizaj, në rrugën për Shtime është bllokuar për kalim nga punët që po kryhen aty për ndërtimin e nënkalimit të ri.

Për të kaluar tek hekurudha për në rrugën “Ahmet Kaçiku” janë improvizuar disa shkallë për kalimin e këmbësorëve.

Ky improvizim po shfaq telashe për qytetarët që po kalojnë aty.

Nga fotografitë e postuara në Facebook nga Rexhep Maloku, gazetar dhe menaxher i projekteve në OJQ INPO shihen disa qytetarë që e kanë të vështirë kalimin në këtë improvizim.

Në fotografitë e postuara nga Maloku shihet një qytetar që detyrohet të bartë karrocën e fëmijëve në këto shkallë dhe një qytetar tjetër në moshë të shtyer tek bartë biçikletën.

“Është në kryeqendrën ekonomike të Kosovës, qysh ka qejf me u krenu pushteti me zhvillimin e Ferizajt. Qysh b’e këta ekspertat e Komunas dinë me ba projekte disamilionësh për nënkalime tokësore për kerre e nuk ua bashkëngjesin edhe zgjidhjet e përkohshme për kalimtarë. Sidomos për prindërit me fëmijë a pleqtë“, shkruan Maloku në postimin e tij.

Nënkalimi i ri që po ndërtohet në Ferizaj po bëhet në afërsi të stacionit policor.

Ky nënkalim do të vendos nëntokë rreth-rrotullimin në rrugën “Brahim Ademi” dhe rreth-rrotullimin para stacionit policor.

Dy kontratat e nënshkruara për këtë nënkalim të ri, faza e parë dhe e dytë arrijnë shifrën prej 7,911,111.1 euro.

Fotografitë e postuara nga Rexhep Maloku:

Related Topics:Ferizaj nenkalim rexhep maloku

Up Next

Punëtori në Shtime lëndohet në vendin e punës

Don't Miss

Në E-Kosova hapet platforma për subvencionimin e librave shkollorë

Click to comment

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

1 day ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë:

Ferizaj

Policia ia sekuestron dy armë pa leje një personi në Doganaj të Kaçanikut

Published

2 weeks ago

04 December, 2025

Redaksia

Policia ka shoqëruar në stacion policor të Kaçanikut, të dyshuarin mashkull kosovar, pasi që gjatë kontrollit të shtëpisë së tij janë gjetur dhe sekuestruar dy pistoleta dhe 67 fishekë.

Sipas policisë, nën dyshimin për armë mbajtje pa leje, kontrolli i shtëpisë u zhvillua pasditen e së mërkurës në fshatin Doganaj të Kaçanikut.

Me vendim të prokurorit, i dyshuari është liruar në procedurë të rregullt.

Ferizaj

Të martën ndërprerje 9-orëshe e rrymës në qendër të Ferizajt dhe disa fshatra

Published

2 weeks ago

01 December, 2025

webmaster

KEDS njofton se të martën, për shkak të punimeve në projekte investive, disa zona të Ferizajt do të mbesin pa energji elektrike nga ora 09:00/09:30 deri në 18:00.

Pa energji elektrike do të mbesin:

1. Nga NS Ferizaj III – Dalja J07 Gaçka (09:30 – 18:00)
Greme, Gaçka, Burrnik, Izhanc, Kashtanjeva, Bajnicë, Semaj, Prushaj, Sllatina dhe bizneset private.
Arsyeja: Energjizimi i linjave të reja.

2. Nga NS Ferizaj II – Dalja J10 Banka 1 (09:00 – 18:00)
MBTS Banka, TS Fatmir Rashani, TS Halil Haxhidema, TS TMK Ndërtesa, TS Koncorzium Komuna (përballë Spitalit).
Arsyeja: Projekte investive, konvertimi i Daljes 2 në 20kV.

3. Nga NS Ferizaj III – Dalja J15 Ylli 1 (09:00 – 18:00)
Rr. 12 Qershori, rr. Dëshmorët e Kombit, pjesë të rr. Ismail Qemajli, Tahir Sinani, Toni Bler, Sheshi Hyre Emini, Hekurudha, Kinemaja re – KEDS, Hoteli (MBTS).
Arsyeja: Projekte investive, konvertimi i Daljes 2 në 20kV.