Ferizaj

Parandalimi i dukurive negative – kryetema e takimit të policisë me drejtorët e shkollave të Ferizajt

Published

2 years ago

21 September, 2023

Drejtoria Rajonale e Policisë në Ferizaj në bashkëpunim me drejtorinë e arsimit, mbajti takim me drejtorët e shkollave të komunës së Ferizajt me qëllim të rritjes së sigurisë dhe bashkëpunimit për parandalimin e dukurive negative nëpër shkolla.

Në takimin i cili u mbajt të mërkurën, më 20.09.2023 në ambientet e Drejtorisë Rajonale të Policisë në Ferizaj, morën pjesë drejtori i Drejtorisë së Arsimit, Afrim Llabjani dhe 33 drejtorë të shkollave të mesme të larta dhe të ulëta të komunës së Ferizajt.

Major Xhavit Xhokli nga Drejtoria Rajonale e Policisë në Ferizaj, njoftoi të pranishmit për mbajtjen e ligjëratave në të gjitha shkollat e rajonit të Ferizajt, me tema të ndryshme për vetëdijesimin e nxënësve në parandalim e dukurive negative.

Majori Xhokli i siguroi të pranishmit se policia rajonale do të vazhdojë do të shtojë aktivitetet e policisë, pasi sipas planit ‘’ Siguria në shkolla’’ në parandalim të dukurive negative rreth dhe nëpër shkolla, përpos policëve me uniformë janë të angazhuar edhe pjesëtarë të policisë me rroba civile.

Kësisoj, policia rajonale e Ferizajt do të organizojë takime me drejtorët e shkollave edhe në

komunat tjera të rajonit të Ferizajt.

Ferizaj

Shuhet zjarri që shpërtheu në një mobilieri në Ferizaj

Published

1 day ago

27 November, 2025

Redaksia

Mbrëmjen e së mërkurës një mobilieri është përfshirë nga zjarri.

Rasti u raportua të ketë ndodhur rreth orës 21:35 në fshatin Greme të Ferizajt, thuhet në raportin ditor të policisë.

Në vendin e ngjarjes kanë intervenuar njësitë policore, zjarrfikësit dhe njësitë e KEDS-it.

Zjarrfikësit kanë arritur ta fiknin zjarrin derisa nuk raportohet për të lënduar.

Ferizaj

Arrestohet në person në Ferizaj i dyshuar për dhunë në familje

Published

1 day ago

27 November, 2025

Redaksia

Një person është arrestuar në Ferizaj, nën dyshimin se e ka sulmuar fizikisht motrën e tij.

Sipas raportit 24 orësh të policisë, viktima ka pësuar lëndime trupore dhe ka pranuar tretman mjekësor.

I dyshuari u arrestua të mërkurën dhe me vendim të prokurorit i dyshuari është dërguar në mbajtje.

Lidhur me rastin kanë nisur hetimet për veprën penale “Lëndim i lehtë trupor”.

Ferizaj 26.11.2025 – 12:11 “Është arrestuar i dyshuari mashkull kosovar, nën dyshimin se kishte sulmuar fizikisht motrën e tij. Viktima ka pësuar lëndime trupore dhe ka marrë tretman mjekësor. Me vendim të prokurorit i dyshuari është dërguar në mbajtje.”

Ferizaj

Pesë shoferëve u pezullohen patentat në rajonin e Ferizajt

Published

4 days ago

24 November, 2025

Redaksia

Njësitë e Komunikacionit Rrugor në Ferizaj kanë ndëshkuar pesë shoferë për kundërvajtje të rënda në trafik, në Shtime dhe në Ferizaj.

Sipas policisë, më datë 22.11.2025, në rrugën “Adem Jashari” në Shtime, janë ndaluar shoferët:

I.R., 31-vjeçar, i cili me veturën VW Golf është kapur duke lëvizur me 90 km/h në zonën me kufizim 40 km/h. Është ndëshkuar me gjobë prej 200 euro, 2 pikë negative dhe 3 muaj pezullim të patentë shoferit.

Y.B., 30-vjeçar, i cili me veturën Audi është kapur duke lëvizur me 93 km/h në zonën me kufizim 40 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

B.T., 40-vjeçar, i cili me veturën Toyota është kapur duke kryer tejkalim në vijë të plotë dhe është ndëshkuar me 200 euro, 2 pikë negative dhe 3 muaj pezullim të patentë shoferit.

M.G., 30-vjeçar, i cili me veturën VW Caddy është kapur duke përdorur telefonin gjatë ngasjes. Pas verifikimit, u konstatua se kjo ishte përsëritje e kundërvajtjes dhe u ndëshkua me 200 euro, 2 pikë negative dhe 3 muaj pezullim të patentë shoferit.

Ndërsa në rrugën “Brahim Ademi” në Ferizaj, është ndaluar:

H.K., 39-vjeçar, i cili me veturën VW Golf është kapur duke lëvizur me 100 km/h në zonën me kufizim 50 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

Policia Rajonale e Ferizajt apelon tek të gjithë shoferët që të respektojnë kufizimet e shpejtësisë dhe shenjat e komunikacionit.