Lajme

Arrin në tetë numri i të arrestuarve për sulmin në veri

Published

3 years ago

26 September, 2023

Policia e Kosovës konfirmoi se ka arritur në tetë numri i të arrestuarve lidhur me sulmin ndaj saj në Banjskë më 24 shtator.

Sipas një njoftimi, dy personave të arrestuar më 25 shtator në një hotel në Banjskë u janë “konfiskuar disa mjete dhe arsenal armësh”.

“Pas arrestimit të dy sulmuesve terroristë me armë zjarri ndaj zyrtarëve policorë, arrestimit të katër personave të dyshuar të cilët ishin hasur nën posedim ilegal të radiolidhjeve e të cilët dyshohet se ndërlidhen me grup terrorist, si dhe arrestimit të dy personave të dyshuar, me datën 25.09.2023 numri i të arrestuarve deri më tani ka arritur në tetë persona”, u tha në njoftim.

Sipas Policisë, gjatë arrestimit në Banjskë më 25 shtator, të dyshuarve iu konfiskua një veturë e blinduar, dy vetura dhe një makineri e rëndë (bager), të cilat, sipas autoriteteve të rendit kanë qenë të mbushura me armë të kalibrave të ndryshme, mitraloz, snajper, minahedhës, 22 armë të gjata të llojit AK 47, pushkë gjuetie, revole, një granatë dore e të tjera.

Policia tha po ashtu se dy AK 47 janë gjetur në manastirin e Banjskës. /REL/

Related Topics:Arrest Banjskë Kosove Policia Terrorist

Up Next

Kryediplomatja gjermane: Serbia të bëjë thirrje për heqje dorë nga dhuna

Don't Miss

Hovenier: Sulmuesit në veri profesionistë me strukturë të organizuar pas tyre

Click to comment

Ferizaj

Arrestohen dy persona në Ferizaj për posedim të kokainës

Published

12 hours ago

26 May, 2026

Redaksia

Policia në Ferizaj ka arrestuar dy persona të dyshuar për posedim të kokainës.

Në raportin 24 orësh të policisë bëhet e ditur se gjatë kontrollit të veturës në të cilën ishin të dyshuarit, janë gjetur 5.79 gramë kokainë, kurse më pas, gjatë kontrollit në shtëpinë e njërit prej tyre, janë gjetur dhe konfiskuar edhe 26.09 gramë të tjera të kësaj substance narkotike.

Rasti raportohet të ketë ndodhur të hënën mbrëma, më 25.05.2026, rreth orës 21:30 në rrugën “Besim Rexhepi” në Ferizaj.

Me vendim të prokurorit të dyshuarit janë dërguar në mbajtje.

Kosovë

Janë ekzekutuar shtesat prej 100 eurosh për fëmijë

Published

14 hours ago

26 May, 2026

Redaksia

Ministri nё detyrё për Punë, Familje dhe Vlera të Luftës Çlirimtare, Andin Hoti, njoftoi se sot janë ekzekutuar shtesat prej 100 euro pёr pensionistёt dhe fёmijёt.

Ditë më parë, qeveria nё detyrё e Kosovёs vendosi pёr ekzekutimin e pakos pёr pёrballje me inflacionin 2.0 e cila parasheh mbёshtjetje pёr pensionistë, fёmijё, lehona, student aktiv, punёtorё privat dhe për familjet nё nevojё.

Kosovë

Shtesat prej 100 € për pensionistët dhe fëmijët ekzekutohen para festës së Bajramit

Published

4 days ago

22 May, 2026

Redaksia

Ministri në detyrë i Financave, Punës dhe Transfereve, Hekuran Murati, ka bërë të ditur se ekzekutimi i shtesave prej 100 € për pensionistët dhe fëmijët, do të bëhet me fillim të javës së ardhshme, mundësisht para festës së Bajramit.

Përmes një video-postimi, Murati tha se javën tjetër do të hapet aplikimi për masën e mbështetjes për studentët dhe punëtorët jashtë sektorit publik, ndërsa ekzekutimi do të bëhet pasi të përfundojë verifikimi i të dhënave.

Ai shtoi se të drejtën për të përfituar mbështetjen kanë studentët aktiv dhe të rregullt në vitin akademik 2025-2026, të gjithë të punësuarit në sektorin privat por dhe ata të ndërmarrjeve publike që nuk paguhen nga buxheti i shtetit e që fitojnë më pak se 1 mijë euro pagë mujore.