Lajme

Grabitje e armatosur në Suharekë, plagoset një polic

Published

2 years ago

22 November, 2023

Një zyrtar i Policisë së Kosovës është plagosur, teksa patrulla me të cilën ishte iu përgjigj informacioneve për një grabitje që ishte duke u zhvilluar në një argjendari në Suharekë.

Zëdhënësi i Policisë rajonale të Prizrenit, Shaqir Bytyqi, tha për Radion Evropa e Lirë se polici i plagosur ka marrë tretman mjekësor dhe është jashtë rrezikut për jetë.

Grabitja në argjendarinë në Suharekë u raportua në polici në orën 15:45 të 22 nëntorit.

“Sapo kemi marrë informacionin, patrulla më e afërt policore është nisur në drejtim të vendit të ngjarjes. Kur ka mbërritur në vendin e ngjarjes, katër të dyshuar të armatosur kanë shtënë me armë zjarri në drejtim të policisë. Një prej zyrtarëve policorë është plagosur, i cili është dërguar për tretman policor dhe është jashtë rrezikut për jetë”, tha Bytyqi.

Ai tha se katër të dyshuarit, që janë të armatosur, janë në arrati pasi kanë arritur që të largohen nga vendi i ngjarjes me një automjet të pasagjerëve.

Policia tha se po vazhdon operacionet e saj për kapjen e të dyshuarve për këtë rast.

/REL/

Related Topics:Grabitje Kosove Plaçkitje Plagosje Policia Suharekë

Up Next

Arrestohet pasi prezantohet rrejshëm si punonjës i Inspektoratit Policor

Don't Miss

Zyrtari i Kosovës nga lista e zezë amerikane përjashtohet nga shërbimi civil

Click to comment

Kosovë

Osmani: Kuvendi dhe qeveria të formohen urgjentisht

Published

3 mins ago

29 August, 2025

Redaksia

Presidentja e Kosovës, Vjosa Osmani, ka bërë thirrje për konstituim sa më të shpejtë të Kuvendit dhe formim të qeverisë së re.

Osmani vlerëson se formimi i institucioneve të reja është urgjencë shtetërore.

“Që Kuvendi të konstituohet urgjentisht, që qeveria të zgjidhet po ashtu urgjentisht, çdo ditë e humbur është ditë e humbur për Kosovën, për popullin e saj, për perspektivën tonë euroatlantike, kështu që shpresoj që të gjendet një zgjidhje në përputhje me Kushtetutën”, tha presidentja Osmani pas homazheve te Monumenti i Personave të Zhdukur.

Pas zgjedhjes së kryetarit dhe 4 nënkryetarëve të kuvendit konstituimi ngeci te votimi i kandidatit për nënkryetar nga pakica serbe. Pasi deri tani asnjë kandidat i propozuar nga Lista Serbe nuk i fitoi votat e mjaftueshme, në vazhdimin e nesërm të seancës, deputetët mund të votojnë vetëm njërin nga tre deputetët të cilët kanë të drejtë të propozohen nga pakica serbe.

Kosovë

Rashiq thotë se zgjedhja e tij për nënkryetar të Kuvendit nuk do të ishte antikushtetuese

Published

23 hours ago

28 August, 2025

Redaksia

Deputeti nga pakica serbe, Nenad Rashiq, ka dështuar, për herë të dytë, të zgjidhet nënkryetar i Kuvendit të Kosovës.

Në votimin e sotëm Rashiq i mori 56 vota për, 1 kundër dhe 20 abstenime.

Pasi kryetari i Kuvendit të Kosovës, Dimal Basha, e ndërpreu seancën dhe thirri partitë parlamentare për konsultime për zgjedhjen e nënkryetarit nga pakica serbe, Rashiq u tha mediave se propozimi i tij për nënkryetar të Kuvendit nuk do të jetë antikushtetues.

Ai tha se nga aspekti ligjor, atij i mundësohet të propozohet pavarësisht mbështetjes së deputetëve nga komuniteti serb.

“Votimi për mua nuk është kundërkushtetues. Kam pasur konsulta me njerëz që janë më kompetentë në aspektin ligjor dhe ata më kanë treguar se veprimi i tillë nuk është antikushtetus. Prita edhe unë që sot do t’i kem votat”, tha Rashiq.