Ferizaj

Komuna e Ferizajt nuk ua fal qytetarëve nga 100 euro të tatimit në pronë

Published

2 years ago

30 November, 2023

Kuvendi i Ferizajt me shumicë votash aprovoi vendimin që tatimi në pronë për vitin 2024 në Ferizaj të ulet për 33 % duke refuzuar kështu propozimin e kuvendarëve të Lëvizjes Vetëvendosje që komuna t’ua falë qytetarëve nga 100 euro të tatimit në pronë për këtë vit.

Ky propozim i LVV-së, i cili u bazua në vendimin e Gjykatës Kushtetuese që legjitimoi ligjin e propozuar nga Qeveria e Kosovës, që barrën e faljes së tatimit në pronë t’ua linte komunave, nuk u përkrah nga kuvendarët e pushtetit lokal.

Gjatë diskutimit të pikës 14-të të seancës së sotme të kuvendit të Ferizajt, pati shumë polemika ndërmjet kuvendarëve për faljen apo mos faljen e 100 eurove të tatimit në pronë, por pa praninë e asamblistëve të Vetëvendosjes, të cilët u kthyen në kuvend vetëm pas kalimit të kësaj pike.

Ferizaj

Valon Aliu dënohet me 24 vjet burgim për vrasjen e ish-bashkëshortes Erona Cokli

Published

34 mins ago

03 April, 2026

Redaksia

Gjykata Themelore në Ferizaj ka dënuar me 24 vjet burgim, Valon Aliun, i cili u shpall fajtor për vrasjen e ish-bashkëshortes së tij, Erona Coklit.

Ajo u vra nga i pandehuri Aliu me tre plumba, më 12 prill të vitit 2024, brenda Qendrës për Punë Sociale në Ferizaj.

Në njoftimin e gjykatës thuhet se i pandehuri Valon Aliu është gjetur fajtor dhe është dënuar me 22 vite burgim për veprën penale “Vrasje e Rëndë”, një (1) vit për veprën penale “Mbajtja në pronësi, kontroll ose posedim të paautorizuar të armëve” si dhe dy (2) vite për veprën penale kanosja.

Të pandehurit për tri vepra penale, gjykata i shqiptoi dënim unik burgimi në kohëzgjatje prej njëzet e katër (24) vite, në të cilin dënim do t’i llogaritet koha e kaluar në paraburgim nga data 12 prill 2024.

Ferizaj

Apel për ndihmë për rindërtim të shtëpisë së djegur

Published

1 hour ago

03 April, 2026

Redaksia

Skender Maloku nga fshati Kosinë i Ferizajt, bën apel për ndihmë financiare ose materiale për rindërtimin e shtëpisë së tij, e cila tërësisht u kaplua nga zjarri më 31 mars 2026.

Qytetarët dhe bizneset vullnetmirë mund ta kontaktojnë familjen e dëmtuar në numrin e telefonit 044 556 823.

Ferizaj

Hajnat vjedhin çantën me revole nga një veturë në Ferizaj

Published

4 hours ago

03 April, 2026

Redaksia

Policia e Kosovës ka raportuar për një rast të vjedhjes me forcë nga një veturë në Ferizaj.

Në raportin 24 orësh të policisë thuhet se persona të panjohur, me forcë, i kanë dëmtuar xhamin e veturës viktimës dhe nga aty i kanë vjedhur çantën e krahut në të cilën kishte pistoletën me dokumente (librezën dhe lejen e armës me leje përkatëse).

Rasti u raportua të ketë ndodhur të enjten, më 02.04.2026, në rrugën “Uran Tinova” në Ferizaj.