Ferizaj

KOSTT fillon punimet për kyçje të nënstacionit të ri “Ferizaj 3”

Published

2 years ago

04 January, 2024

Në Ferizaj sot edhe zyrtarisht filluan punimet për ndërtimin e linjës ajrore/kabllore 110 kV për kyçje të nënstacionit të ri kV Kastrioti “Ferizaj 3”.

Ky projekt kapital është financim i plotë i Operatorit të Sistemit, Transmisionit dhe Tregut të energjisë elektrike të Kosovës (KOSTT) që së bashku me investimin e bërë në nënstacionin në Ferizaj dhe kostot e shpronësimit vlera totale të investimit është afërsisht 6 milionë e 900 mijë euro.

Ky projekt pritet të përfundojë në verën e vitit 2024, kur do të energjizohet edhe nënstacioni Ferizaj 3.

Sipas kryeshefit ekzekutiv të KOSTT-IT, Evetar Zeqiri, ky projekt do të sjellë jo vetëm një rritje të kapacitetit të transmetimit të energjisë elektrike, por gjithashtu do të përmirësojë ndjeshëm sigurinë dhe cilësinë e furnizimit me energji elektrike për qytetarët tanë në komunën e Ferizajit dhe regjionit si dhe njëkohësisht do të sigurojë edhe rritjen e mundësisë së integrimit të burimeve të ripërtëritshme të energjisë në regjion.

Related Topics:energji elektrike Ferizaj Kosove kostt

Up Next

Policia heton zhdukjen e një gruaje në Ferizaj

Don't Miss

Arrestohet ferizajasi për posedim të marihuanës

Click to comment

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

15 hours ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

2 days ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

3 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.