Connect with us

Ferizaj

10 të lënduar nga shpërthimi i zjarrit në ndërtesën kolektive në Ferizaj

Published

on

Të paktën dhjetë persona, përfshirë një zjarrfikës, kanë pësuar lëndime trupore apo asfiksim nga një incident zjarri i cili ndodhi natën e së dielës në një ndërtesë kolektive në Ferizaj.

Policia e Kosovës ka njoftuar se Njësia e Hetimeve  në koordinim me prokurorin kujdestar ka filluar hetimet për shkaqet e këtij incidenti.

Njoftimi i policisë:

Me datë 11.02.2024 rreth orës 22:28 kemi pranuar një informatë se në rrugën “Dëshmorët e Kombit” në Ferizaj tek një objekt banesor është një incident zjarri.

Ekipe të policisë, zjarrfikësit dhe ekipe të emergjencave kanë dalë në vendin e ngjarjes.

Për pasojë e këtij incidenti të zjarrit, ndihmë mjekësore në Qendrën Emergjente kanë kërkuar 10 persona, ndërsa 5 prej tyre janë dërguar për tretman të mëtutjeshëm në QKUK në Prishtinë.

Policia i ka marrë të gjitha masat e nevojshme, duke i evakuuar banorët për shkak të tymit të krijuar.

Zjarri dyshohet se ka filluar tek njehsorët elektrik të kësaj ndërtese, ndërsa janë njoftuar edhe ekipe të KEDS të cilët kanë dalë gjithashtu në vendin e ngjarjes.

Njësia e Hetimeve  në koordinim me prokurorin kujdestar ka filluar hetimet për shkaqet e këtij incidenti. 

Ferizaj

Policia në Ferizaj shqipton mbi 1 mijë e 300 gjoba brenda një jave

Published

on

Policia Rajonale e Ferizajt, javën e kaluar ka shqiptuar 1 mijë e 351 gjoba për kundërvajtje në trafik, ndërsa ka hequr 12 patentë-shoferë për drejtuesit që kanë shkaktuar kundërvajtje më të rënda.  

Në komunikatën për media thuhet se gjatë kësaj periudhe janë raportuar 14 aksidente me gjithsej 24 persona të lënduar dhe 17 aksidente me dëme materiale.

Continue Reading

Ferizaj

Policia në Ferizaj shqipton mbi 6 mijë gjoba për një muaj

Published

on

Gjatë muajit maj, policia rajonale e Ferizajt ka shqiptuar 6313 gjoba për kundërvajtje, ndërsa ka hequr 98 patentë shoferë për drejtuesit që kanë shkaktuar kundërvajtje më të rënda në komunikacion, për të cilat parashihet masa mbrojtëse heqje e patentë shoferit.

Për tejkalim të shpejtësisë janë shqiptuar 1 mijë e 842 gjoba, për përdorim të telefonit gjatë ngasjes 293 gjoba, për drejtim të mjetit pa patentë shofer 137 gjoba, për mos vendosjen e rripit të sigurisë janë shqiptuar 134 gjoba derisa për ngasje të automjetit me afat të skaduar të regjistrimit janë shqiptuar edhe 81 gjoba.

Përmes një postimi në rrjetet sociale, Policia Rajonale e Ferizajt apelon tek shoferët që të bëjnë kujdes në trafik derisa ka bërë ftesë për bashkëpunim me synim parandalimin e aksidenteve në trafik.

Continue Reading

Ferizaj

Arrestohen 6 persona pas përleshjes në Ferizaj

Published

on

Policia në Ferizaj ka arrestuar 6 persona të dyshuar për pjesëmarrje në përleshje.

Në raportin 24 orësh bëhet e ditur se rasti ndodhi më 29.05.2024 rreth orës 14:00 kur pas një mosmarrëveshje në trafik, gjashtë meshkuj kosovarë  janë përleshur fizikisht në mes vete.

Si pasojë, dy prej tyre kanë pësuar lëndime trupore dhe kanë pranuar tretman mjekësor.

Të njëjtit janë arrestuar dhe pas intervistimit, me vendim të prokurorit, 4 të dyshuar dërgohen në mbajtje, ndërsa 2 të tjerë  lirohen në procedurë të rregullt.

Continue Reading

Trending