Connect with us

Kosovë

Kurti vendos tri kushte për angazhim në procesin e normalizimit

Published

on

Në Bruksel sot u mbajtën dy runde të takimeve dypalëshe mes shefit të diplomacisë evropiane, Josep Borrell, dhe të dërguarit të BE-së për dialogun, Mirosllav Lajçak, me kryeministrin e Kosovës, Albin Kurtin dhe presidentin serb, Vuçiq.

Pavarësisht paralajmërimit  se pas takimeve dypalëshe do të mbahej edhe një takim trepalësh, ai nuk ndodhi, pasi, siç tha Borrell, kryeministri Albin Kurti nuk ka shprehur gatishmëri për të mbajtur takim trepalësh në Bruksel.  Sipas tij, Kurti i ka vendosur tri kushte për angazhimin e mëtejshëm në procesin e normalizimit:

  1. 1. Marrëveshja bazike të formalizohet me nënshkrim nga shefat përkatës të qeverive.
  2. 2. Tërheqja e letrës së rezervimit të deponuar nga ish-kryeministrja e Serbisë më datë 13 dhjetor.
  3. 3. Dorëzimin i Milan Radoiçiqit dhe grupit të tij paramilitar terrorist tek organet gjyqësore kosovare.

Në konferencën për media pas takimeve dypalëshe, Borrell tha se Serbia nuk ishte e gatshme që të pranojë në plotni kushtet e vendosura nga Kurti, por Vuçiq la të kuptohet se është i gatshëm të eksplorojë mundësi sa i përket letrës së ish-kryeministres dhe formalizimit të Marrëveshjes në linjë me praktikat e shkuara të dialogut, në mënyrë që të zhbllokohet zbatimi i marrëveshjes.

Borrell nuk komentoi kushtin për dorëzimin e Milan Radoiçiqit dhe grupit të tij tek organet gjyqësore kosovare por shtoi se të dyja palët janë përgjegjëse për mos përmbushjen e asaj për çka janë zotuar.

Kosovë

Një shtetas i Kosovës ekstradohet në SHBA për krime kibernetike

Published

on

Një shtetas i Kosovës është ekstraduar  për në SHBA, pasi që i njëjti kërkohej nga autoritetet amerikane për përfshirje në veprat penale që ndërlidhen me krimet kibernetike.

I dyshuari iu dorëzua mëngjesin e sotëm njësisë U. S. Marshall të SHBA-së, në ANP “Adem Jashari”, bëri të ditur Policia.

Në njoftim nuk u dhanë informacione për identitetin, moshën apo hollësi tjera për personin e ekstraduar.

Por, Policia e Kosovës tha se do të vazhdojë shkëmbimin e informacioneve me institucionet vendore dhe partnerët ndërkombëtarë, me qëllim të parandalimit dhe hetimit të krimit, si dhe gjurmimit dhe arrestimit të personave të kërkuar brenda dhe jashtë vendit

Continue Reading

Kosovë

Çitaku e quan vendimin e speciales të turpshëm dhe të papranueshëm

Published

on

Ushtruesja e detyrës së kryetares së PDK-së, Vlora Çitaku, e ka quajtur të turpshëm e të papranueshëm vendimin e Dhomave të Specializuara për dënimet ndaj Hashim Thaçit, Bashkim Smakajt, Fadil Fazliut dhe Hajredin Kuçit në rastin për pengim të drejtësisë.

Përmes një postimi në Facebook, Çitaku tha se vendimi i sotëm vetëm sa e ka thelluar mosbesimin në drejtësinë e administruar nga kjo gjykatë. Sipas saj, drejtësia nuk mund të ketë standarde të ndryshme për ata që gjykohen dhe një tjetër për ata që gjykojnë.

“Shpreh zhgënjimin dhe shqetësimin tim të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve, në procesin për pengim të drejtësisë. Kontestimet procedurale, proceset e njëpasnjëshme dhe zvarritjet shumëvjeçare i kanë thelluar pikëpyetjet tona serioze për administrimin e drejtësisë të kësaj Gjykate”, ka thënë ajo duke shtuar se padrejtësisë do t’i përgjigjemi me qëndresë, mobilizim dhe përkushtim të palëkundur shtetëror e mbarëkombëtar.

“Me veprime konkrete politike, juridike e diplomatike. Me vendosmëri, deri në fund”, ka shkruar Çitaku.

#

Continue Reading

Kosovë

Specialja dënon Thaçin me 17 muaj burgim për pengim të drejtësisë

Published

on

Gjykata Speciale në Hagë shpalli sot aktgjykimin ndaj Hashim Thaçit, Bashkim Smakajt, Isni Kilajt, Hajredin Kuçit dhe Fadil Fazliut, në rastin për pengim të drejtësisë.

Në seancën që nisi sot në orën 10:00, gjykatësi Christopher Gosnell lexoi përmbledhjen e aktgjykimit ndaj Hashim Thaçit dhe katër të bashkakuzuarve të tij.

Ish-presidenti i Kosovës, Hashim Thaçi u dënua me 17 muaj burgim pasi u  shpall fajtor për tentativë të pengimit të personave zyrtarë, për shkelje të fshehtësisë së procedurës dhe për mosbindje ndaj gjykatës.

Bashkim Smakaj dhe Fadil Fazliu u dënuan me nga 12 muaj. Të dy këta do të lirohen pasi koha e tyre e kaluar në paraburgim tejkaloi dënimin e shqiptuar.

Hajredin Kuçi u dënua me një muaj burgim me kusht dhe dënimi ndaj tij nuk të ekzekutohet nëse Kuçi nuk kryen ndonjë vepër tjetër penale gjatë periudhës prej 1 viti.

Ndërsa Isni Kilaj u shpall i pafajshëm për të gjitha akuzat dhe do të lirohet menjëherë.

Continue Reading

Trending