Ferizaj

200 fëmijë të lindur në vitin e Pavarësisë shënuan Ditën Olimpike në Ferizaj

Published

8 years ago

25 May, 2018

Përmes vrapimit në shesh rreth 200 fëmijë të lindur në vitin e shpalljes së Pavarësisë së Kosovës, kanë shënuar Ditën Olimpike 2018, organizuar nga Komiteti Olimpik i Kosovës dhe komuna e Ferizajt.

Avni Nuha nga Komiteti Olimpik i Kosovës, tha se kjo ditë përcjell mesazhin që prindërit t’i angazhojnë fëmijët e tyre sa më shumë në aktivitete sportive.

“Kjo është ditë olimpike e cila prej vitit 2012 është mbajtur edhe pse atëherë nuk ka qenë Komiteti Olimpik i Kosovës në arenën ndërkombëtare, mirëpo nuk e kemi ndalë këtë aktivitet, unë ju uroj të gjithë fëmijëve që të kenë një jetë të mirë të suksesshme dhe të merren me sport, kjo ditë ka mesazh që të merremi me sport dhe të kërkohet nga prindërit t’i angazhojnë fëmijët të ecin me sportin përpara, sepse sporti është ambasador i shtetit”, tha Nuha.

Ndërsa, udhëheqësi i sektorit të sportit në Ferizaj Bashkim Haxhimusa, theksoi se përkundër që shtegu ishte i papërshtatshëm, gara ishte madhështore.

“Janë vrapues fëmijët e vitit të pavarësisë, pra vitit 2008, që ata me moton ‘’Do të vrapojmë tërë jetën’’ e kanë këtë privilegj, organizimi ka qenë i shkëlqyer, pak shtegu ka qenë i vështirë pasi sheshi është asisoj, por këta fëmijë është e paraparë të vrapojnë gjithmonë në bulevard, por kemi kaluar mirë, u nxjerrën tri vendet e para, shkollat janë përgjigjur masovikisht që unë i falënderoj edhe arsimtarët edhe drejtorët që u bë madhështore dhe kjo garë në një formë është dhe garë në mes komunave të Kosovës kush po e organizon më së miri dhe mendojmë se ne ia dolëm mirë”, u shpreh Haxhimusa.

Ky është edicioni i shtatë që Komiteti Olimpik Kosovës shënon këtë ditë, ndërsa në qytetin e Ferizajt kjo ditë u shënua për herë të parë.

Ferizaj

Gjobitet me 500 € për ndezje zjarri në Sojevë të Ferizajt

Published

7 days ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 weeks ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

3 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.