Ferizaj

‘’FSHKQJ’’ dhe ‘’Feniks’’ ndërtojnë shtëpi për veteranin e luftës

Published

8 years ago

05 June, 2018

Kjo është shtëpia e re e veteranit të luftës së Ushtrisë Çlirimtare të Kosovës Imer Ismaili nga fshati Brod i komunës së Shtërpcës, e cila u ndërtua nga shoqata “Femrat shqiptare kudo që janë” bashkë me shoqatën ferizajase “Feniks”.

Nina Statovci nga organizata FSHKQJ, tha se të gjitha femrat shqiptare anembanë botës janë bashkuar për t’iu dalë në ndihmë skamnorëve.

“Prej vitit 2017 e deri më tani kemi realizuar shumë projekte dhe kontributi është i të gjitha motrave mërgimtare të cilat janë mobilizuar gjithmonë dhe janë motiv për realizmin e projekteve të tjera, ideja jonë ka filluar nga kryetarja Fatime Nuha e cila ka gjet përkrahjen tonë dhe vazhdojmë që ta mbështesim bashkërisht, të gjitha projektet studiohen mirë para se me kalu në realizim për arsye që të fitojmë besimin”, theksoi Statovci.

Ndërsa, kryetari i shoqatës “Feniks” Milaim Jashari, tha se kjo shtëpi, ashtu si 225 shtëpitë e tjera, u ndërtua falë vullnetmirëve.

‘’Është kënaqësi për neve kur ne i rehatojmë këto familje, shoqata “Feniks” që 10 vite që punon dhe deri tani kemi ndërtuar 225 shtëpi dhe shoqata ‘’Feniks’’ nuk do të ndalet kur i shohim këta njerëz që kanë vullnet të ndihmojnë siç janë ky grup i motrave tona”, tha Jashari.

I lumtur që u bë me shtëpi të re u shpreh kryefamiljari Imer Ismajli.

“Falënderoj “Feniksin” edhe motrat nga Suedia, edhe të gjithë miqtë që më kanë ndihmuar, jam shumë i kënaqur që po hy në shtëpi të re”, tha Ismajli.

Kjo është shtëpia e 9-të e ndërtuar nga shoqata” Femrat shqiptare kudo që janë”, me seli në Suedi, ndërsa për ndërtimin e kësaj shtëpie në fshatin Brod ato kanë dhuruar 12 mijë euro.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë:

Ferizaj

Policia ia sekuestron dy armë pa leje një personi në Doganaj të Kaçanikut

Published

2 weeks ago

04 December, 2025

Redaksia

Policia ka shoqëruar në stacion policor të Kaçanikut, të dyshuarin mashkull kosovar, pasi që gjatë kontrollit të shtëpisë së tij janë gjetur dhe sekuestruar dy pistoleta dhe 67 fishekë.

Sipas policisë, nën dyshimin për armë mbajtje pa leje, kontrolli i shtëpisë u zhvillua pasditen e së mërkurës në fshatin Doganaj të Kaçanikut.

Me vendim të prokurorit, i dyshuari është liruar në procedurë të rregullt.