Ferizaj

Planifikohet shtim i numrit të zjarrfikësve në Ferizaj

Published

8 years ago

06 June, 2018

Drejtori i Shërbimeve Publike në Ferizaj Arben Halili, duke raportuar për punën e kësaj drejtorie që nga marrja e detyrës, tregoi për projektet të cilat janë realizuar dhe po planifikohen të realizohen nga kjo drejtori. Ai tha se rëndësi të veçantë janë duke i kushtuar pastërtisë në qytet, duke njoftuar se do ta ndryshojnë qarkullimin edhe në shumë rrugë të tjera për të rritur numrin e rrugëve njëkahëshe.

“Fokus kryesor do të jetë riparimi i kanalizimeve pasi është në gjendje të mjerueshme, në të njëjtën kohë do të mendojmë edhe për vendosjen e një cisterne të ujit dhe një autoambulance me qëllim që t’u dalim në ndihmë qytetarëve që kanë problem nga temperaturat e larta, do të vazhdoj riparimi i rrugëve me asfalt, riparimet e sistemit të ujësjellësve, do të filloj riparimi i trotuareve për këmbësorë, vendosja e disa pengesave në rrugë për siguri të këmbësorëve, po ashtu në bashkëpunim me GIZ-in jemi në kontakt për përftimin e disa kontejnerëve mbitokësor që do të vendosen në disa zona të qytetit kryesisht tek banimet kolektive’’, tha Halili.

Drejtori Halili, në konferencën e thirrur për media, njoftoi se janë duke i shqyrtuar mundësitë për rritjen e numrit të zjarrfikësve në Brigadën e Ferizajt.

“Sipas parashikimeve dhe paralajmërimeve të Brigadës së Zjarrfikësve veç kemi shtim të rasteve të zjarrit qoftë fushore ose në ekonomitë familjare dhe biznesore, andaj e kemi mendu që përmes një memorandum mirëkuptimi të shtojmë kapacitetet njerëzore në kuadër të Brigadës së Zjarrfikësve e që do të jenë 30 anëtarë me kohë të caktuar e që koston e kësaj do ta mbuloj komuna”, tha Halili.

Ndër të tjera, drejtori Halili bëri të ditur se nga breshri i rënë javë më parë në komunën e Ferizajt, janë shkaktuar dëme në ekonomitë familjare në vlerë rreth 150 mijë euro.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 day ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.