Ferizaj

Projekt buxheti për vitin 2021 procedohet në Kuvend

Published

6 years ago

25 September, 2020

Projekt buxheti për vitin 2021 mori dritën jeshile nga anëtarët e Komitetit për Politikë dhe Financa që t’i dërgohet Asamblesë Komunale për diskutim dhe miratim, në mbledhjen e ardhshme e cila do të mbahet më 29 shtator.

Drejtoresha e Financave Sebahate Ajeti-Sadiku, sqaroi se si i kanë shpërndarë paratë për vitin 2021, derisa thekoi se në krahasim me vitin 2020, buxheti i vitit të ardhshëm është ulur për më shumë se 1 milion euro.

“Ajo që vlen të theksohet është se buxheti i vitit 2021 është 34 milionë e 208,507 euro apo në krahasim me vitin aktual ka një ulje prej 1 milion e 815,126 euro, kjo ulje theksohet në grandin e përgjithshëm si dhe në grandin specifik të arsimit, po ashtu me qarkoren e tretë për shkak të gjendjes së pandemisë është ulur edhe tavani i të hyrave vetanake, nga sa i kemi të planifikuara me buxhetin aktual prej 5 milionë e 15,625 për vitin e ardhshëm, të hyrat vetanake i kemi 4 milionë e 444,268 euro”, tha Ajeti-Sadiku.

Opozita akuzoi ekzekutivin që nuk ka organizuar debate publik për hartimin e draft-buxhetit, por nuk munguan kritikat edhe për mënyrën e shpërndarjes së mjeteve buxhetore.

“Në fillim ne ish-qeveria jemi akuzuar që në planet tona kemi pasur projekte qeverisëse 3 vjeçare, ndërsa ne këtu po shohim plot projekte 3 vjeçare e besa edhe 4 vjeçare, pse na keni kritikuar neve atëherë kur të njëjtat po i bëni vet. Shembull, 4 vjeçar është projekti i ndërtimit të shtëpisë së pensionerëve, buxhet kemi të ndarë ndërsa nuk e dimë ku është vendi, ajo shtëpi është marrë diku në vitin 2019 dhe e kemi parë që është projekt 3 vjeçar 2019-2021, tash po del që ky projekt është 2021-2023, është projekte 3 vjeçar apo 4 vjeçar dhe sa vite planifikoni me ndërtu një shtëpi të tillë?”, tha Burim Karameta nga LDK-ja.

“Projektet 3 vjeçare dhe 4 vjeçare pse janë në buxhet ju e dini se përveç projekteve 3 vjeçare nga ish-qeveria kemi trashëguar një gjendje të rëndë financiare dhe për shkak të këtyre obligimeve që janë marrë përmes përmbaruesve kanë mbetur ato projekte nga viti 2018 të papaguara dhe ne jemi obliguar që t’i inkorporojmë ato projekte nëpër kode të veçanta që t’i kryejmë ato obligime që ju na i keni lënë, prandaj kjo është arsyeja pse figurojnë nëpër kode buxhetore të viteve 2018-2019, është kjo për shkak të mungesës financiare që ju na e keni lënë, ndërsa shtëpia e pensionerëve është marrë vendim përmes këtij Kuvendi që të paguhen obligimet deri në ndërtimin e objektit të ri“, tha Sebahate Ajeti-Sadiku.

LDK doli edhe me propozime që, sipas tyre, duhet të përfshihen në këtë buxhet.

“Ne të gjithë e dimë se në vitin 2017 Qeveria e Kosovës ka bërë një kontratë kolektive me SBASHK-un dhe në atë kontratë obligohen komunat që me ua pagu pagat jubilare, shujtat dhe udhëtimin punëtorëve që punojnë në arsim. Tani shumica e shkollave kanë filluar ta kërkojnë këtë të drejtë përmes gjykatës e disa edhe e kanë fituar, kështu unë kisha propozu që në këtë draft-buxhet t’i shtojmë disa mjete dhe t’i shlyejmë këto obligime para se me u marrë paratë me përmbarues“, tha Imri Hashani nga LDK-ja.

Anëtarët e Komitetit për Politikë dhe Financa ia përcollën Kuvendit Komunal edhe disa propozime që kishin të bëjnë me shpallje të interesit të përgjithshëm për disa ngastra kadastrale.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar