Ferizaj

Punëtorët me kontrata mbi vepër do të pranohen përmes Zyrës së Prokurimit

Published

6 years ago

28 September, 2020

Që nga java e kaluar, rekrutimi i punëtorëve për shërbime të veçanta, apo siç njihet me kontrata mbi vepër, nuk do të bëhet më përmes Zyrës së Kryetarit, por procedurat do të kryhen përmes Zyrës së Prokurimit në komunën e Ferizajt.

Shefi i kësaj zyreje Feim Ibrahimi, thotë se procedurat për punësimin e punëtorëve të rinj do të jenë të njëjta me ato të tenderëve.

“Ky ka qenë propozim edhe vitin e kaluar që kontratat mbi vepër të mos bëhen direkt nga ZK-ja, por të fillohet me procedurë të prokurimit, këto janë kontrata për shërbime, njësia kërkuese tek ne e bjen inicimin, e bjen paramasën çka kërkon, çfarë punëtorë, çfarë lëmie, çfarë profesioni dhe ne e përgatisim dosjen e tenderit dhe e publikojmë dhe varet se kush aplikon, ne e caktojmë afatin e aplikimit, e gjitha varet se çfarë kontrate është, e madhe apo e mesme, ashtu edhe e bëjmë hapjen dhe pastaj bëjmë vlerësimin e të gjitha ofertave se kush ka aplikuar”, tha Feim Ibrahimi.

Regulloren e Komisionit Rregullativ të Prokurimit Publik për rekrutimin e punëtorëve për shërbime të veçanta, organizata joqeveritare Iniciativa për Progres, po e konsideron si dokument që do të ndikoj në rritjen e transparencës nga ana e komunave, sa i përket punësimit të punëtorëve të ri.

“Ky do të jetë një hap shumë i madh në transparencë më të lartë të institucioneve publike për arsye se ne do ta dimë sa do të jetë numri i të punësuarve , po ashtu do ta shohim se si komuna po tenton të bëj rekrutimet që deri më tani ka qenë jotransparente, nuk e kemi ditur sa është numri i punëtorëve të punësuar përmes kontratave të veçanta, po ashtu të gjitha partitë kanë akuzuar njëra tjetrën, por që të gjitha duke bërë punën e njëjtë, prandaj ky është hap i mirë sepse do të ketë llogaridhënie më të madhe nga institucionet“, tha Mustafa.

Sipas rregullores të cilën e ka nxjerrë Komisioni Rregullativ i Prokurimit Publik të Kosovës, për shërbime të veçanta mund të ofertojnë kompani konsulente të cilat janë të regjistruara si biznese, por të drejtë aplikimi kanë edhe personat fizik të cilët duhet të jenë të pajisur me numër fiskal.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar