Connect with us

Ferizaj

Mungesa e mbrojtëseve përgjatë trotuarit rrezik për këmbësorët

Published

on

Punimet përgjatë hekurudhës në qendër të Ferizajt janë shndërruar në kërcënim serioz për qytetarët e kësaj komune.

Ecjet gjatë trotuarit në rrugën “Ahmet Kaçiku” janë bërë të rrezikshme për këmbësorët, meqë skaj tyre punëkryesit nuk kanë vendosur asnjë barrierë që do t’i mbronte kalimtarët që ecin andej. Qytetarët thonë se po ndihen të rrezikuar saherë që po kalojnë nëpër këtë trotuar.

“Më rrezik s’ka ku shkon, nëse rrëshqet menjëherë duhet me shku në spital, as nuk ka mbrojtëse as asgjë, për fëmijët duhet të kemi më së shumti kujdes, kjo i bie që nëse mundesh ta ruash vetën mirë, por nëse jo, shkon”, tha Bekim Kokollari, qytetar i Ferizajt.

“Rrezik ka qenë gjithmonë por tash edhe më shumë, duhet me vendos barriera, munden me rrëshqit fëmija, plaku mundet me thy ndonjë këmbë apo mundet edhe me vdekë krejt”, tha Veli Veliu, qytetar i Ferizajt.

“Boll rrezik i madh, nuk e di se çka janë duke bërë ama rrezik shumë i madh, nuk ka as mbrojtëse, unë i kam bërë afër 70 vite e për mua është mjaft rrezik”, tha Ramadan Ajeti nga Ferizaj.

Lidhur me këtë çështje, Tv Tema provoi të kontakoj me përfaqësues të ekzekutivit lokal, mirëpo kontakti me ta ishte i pamundur.

Continue Reading
Click to comment

Leave a Reply

Your email address will not be published. Required fields are marked *

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

on

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

#

Continue Reading

Ferizaj

Policia në Ferizaj brenda javës shqiptoi 1310 gjoba trafiku

Published

on

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku,  si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë  ndodhur gjithsej 36 aksidente, nga të cilat, 13 ishin me të lënduar kurse  23 aksidente të tjera ishin vetëm me dëme materiale.

Continue Reading

Ferizaj

Hajnat vjedhin stoli ari në një shtëpi në Bibaj të Ferizajt

Published

on

Një person ka raportuar në polici se në fshatin Bibaj të Ferizajt persona të panjohur kanë hyrë me forcë brenda shtëpisë ku i kanë vjedhur stoli ari.

Në raportin 24 orësh të Policisë së Kosovës bëhet e ditur se vjedhja ka ndodhur natën e 9 majit rreth orës 21:00.

“Fsh. Bibaj, Ferizaj 09.05.2025, 21:00. Ankuesi mashkull kosovar, ka raportuar se persona të panjohur kanë depërtuar me forcë brenda në dhomën e tij dhe nga aty kanë arrit të marrin stoli ari. Rasti nën hetime”,  thuhet në raportin e Policisë së Kosovës.

Continue Reading

Trending