Ferizaj

Heqja e kushtëzimit për regjistrimin e veturave refuzohet nga MAPL-ja

Published

5 years ago

27 October, 2020

Vendimi i Kuvendit Komunal të Ferizajt që parashihte lirimin nga pagesa të tatimit në pronë për regjistrimin e veturave deri në fund të vitit 2020, është refuzuar nga Ministria e Administrimit të Pushtetit Lokal.

Kështu u bë e ditur në mbledhjen e sotme të Komitetit për Politikë e Financa.

Burim Karameta nga Lidhja Demokratike e Kosovës në Ferizaj, parti kjo e cila kishte kërkuar që ferizajasit të lirohen nga një kushtëzim i tillë, pati një kërkesë ndaj ekzekutivit.

“Që të jemi unik na e sjellni vendimin se si është parashtruar që të shohim a ka korrespondu me kërkesën e grupit të LDK-së”, tha Burim Karameta.

“MAPL-ja nuk e ka kthyer vendimin se nuk është dërguar si duhet, por në konfirmimin e ligjshmërisë nga ministritë e linjës potencohet se një vendim i tillë nga komuna nuk përkon me legjilsacionin në fuqi që si rrjedhojë e kësaj i bie që komuna nuk ka të drejtë të marrë vendime për heqjen e kushtëzimeve, por këtë e bënë Qeveria e Kosovës”, tha drejtoresha e Financave, Sebahate Ajeti-Sadiku.

Për këtë çështje dyshime shfaqi edhe Xhavit Zariqi, partia e së cilit bashkëqeverisë me Ferizajn.

“Është paradokse se nëse komuna nuk ka të drejtë të marrë vendim për anulim të vendimit për kushtëzim, si pati të drejtë me marrë vendim për kushtëzim, nëse atëherë ka pasur shkelje dhe ministria e ka miratuar me shkelje ose tash nuk është kërkesa në ministri për këtë vendim që është i qartë dhe i drejtë sipas asaj që është miratuar në Kuvend”, tha Xhavit Zariqi nga AAK-ja.

Senaca e Kuvendit Komunal të Ferizaj është caktuar për datën 30 tetor.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim