Ferizaj

Kaosi urban pasojë e legjislacionit joadekuat, vlerëson Aliu

Published

6 years ago

28 October, 2020

Konfirmimi i kryeprokurorit të Prokurorisë Themelore të Ferizajt për nisjen e hetimeve për objektet e ndërtuara pa leje gjatë periudhës 2012-2017 në komunën e Ferizajt, është mirëpritur nga shoqëria civile. Kenan Gashi nga rrjeti i organizatave joqeveritare ”AVONET”, thotë se organizata që ai udhëheq ka kohë që ka kërkuar të bëhen hetime lidhur me urbanizmin.

“Ne si shoqëri civile kemi ngritur shumë shpesh shqetësimet tona rreth gjendjes urbanistike të qytetit tonë, në të njëjtën kohë kemi kërkuar që të fillojnë hetimet për çdo rast që ka të bëj me ndërtimet pa leje dhe në këtë rast është për çdo lëvdatë Prokuroria Themelore e Ferizajt, sepse ka arritur që të marrë si prioritet dhe t’i marrë parasysh shqetësimet e qytetarëve dhe të shoqërisë civile që t’i trajtoj me prioritet këto lëndë dhe për këtë arsye ne kemi shprehur gatishmërinë tonë duke i sjell fakte dhe argumente prokurorisë se këtu ka shkelje, gjë që është argumentuar dhe kështu tani jemi në situatë kur prokuroria ka filluar hetime dhe ka madje edhe aktakuza të ngritura ndaj zyrtarëve”, tha Gashi.

Në anën tjetër, drejtori i Urbanizmit në komunën e Ferizajt Lulzim Aliu, thotë se zyrtarisht s’ka qenë në dijeni për këto hetime, por thekson se për gjithçka që ka të bëj me këto procese fajtor është niveli qendror.

“Inkurajoj prokurorinë në këtë drejtim që me i vazhdu hetimet, por duhet me pas parasysh që shkeljet që eventualisht janë bërë deri në 2017 të dihet për çfarë qëllime janë bërë, a janë bërë lëshime, apo keqpërdorime, apo ka pasur korrupsion, a është kjo dukuri në tërë Kosovën? Mënyra më e mirë dhe e vetme është çmimi me qenë, me bë çmimin e tejkalimit të lejeve me para, shembull e bëjmë 400 euro metrën katror dhe atëherë e shohim a ndërtojnë ndërtuesit. Na e kemi obligim me përcjell ndërtimin e secilit objekt, por nuk ka mundësi, ata çdo ditë i sjellin kërkesat me ua kontrollu projektin se si është duke u realizu, por ne nuk kemi kuadër, nuk kemi staf me kontrollu dhe këto probleme i dinë e tërë Qeveria, kështu në një anë ta pamundëson me pas staf e në anën tjetër tenton t’i quaj vepra penale, nuk ka vepër penale, për mua është gabim baza e ligjit, nëse lejet ndërtimore trajtohen si vepër penale ato trajtohen vetëm atëherë kur gjendet korrupsioni, në qoftë se dikujt i lejohet leja me korrupsion, me shantazh, me kërcënim, i merret paraja në mënyrë të paligjshme atëherë kjo duhet me u hetu“, theksoi Aliu.

Aliu e konsideron të padrejtë akuzimin e zyrtarëve për mosrrënimin e objekteve pa leje kur vet qeveria e ka nisur procesin e legalizimit të tyre.

“Kur ligjet që janë në proces janë të favorshme për atë që e ka shkel ligjin është njerëzore që zyrtarët nuk munden me shku me i rrëzu shtëpitë pa leje. Këtë formë që është duke e bërë qeveria për objektet pa leje i bie që është legalizim i një gjendje kautike në vend”, deklaroi Aliu.

Ndërkaq, Kenan Gashi nga ”AVONET” mendon që Kuvendi Komunal duhet të thërras mbledhje për të disktuar rreth gjendjes urbanistike në Ferizaj.

“Ne kërkojmë nga prokuroria dhe nga krimet ekonomike që sa më parë të hetohen të gjitha ndërtimet në komunën e Ferizajt duke filluar nga procesi i aplikimit deri tek dhënia e lejeve, kështu që unë i bëj ftesë edhe anëtarëve të Kuvendit dhe kryesueses që sa më parë të thërras një seancë dhe të diskutohet gjendja urbane në Ferizaj”, theksoi Gashi.

Përveç hetimeve që kanë nisur lidhur me ndërtimet pa leje, kryeprokurori Shukri Jashari ka njoftuar se hetime janë duke u bërë edhe për të gjeturat e auditorit për komunën e Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

7 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

2 weeks ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.