Ferizaj

Reshjet e shiut u shkaktojnë dëme bizneseve në fshatin Prelez

Published

8 years ago

10 July, 2018

Shiu i rrëmbyeshëm që ka kapluar dje territorin e komunës së Ferizajt, ka shkaktuar dëme në zonën industriale në fshatin Prelez të Muhaxherëve. Nga depërtimi i ujit brenda bizneseve prodhuese, afaristët thonë se u janë dëmtuar makineritë dhe materialet e nevojshme për punë. Ata thonë se me një problem të tillë përballen sa herë që bie shi, për shkak se gypat e rrjetit të kanalizimit nuk e përballojnë nivelin e lartë të ujit.

“Dje papritmas ka pasur reshje të mëdha dhe është grumbulluar ujë shumë si zakonisht, kemi intervenuar shpejt sepse si biznes do të mund të kishim dëme të mëdha, por problem është tek kjo trafo pasi uji mblidhet nga dy anët ka qenë rrezik dje edhe nga eksplodimi i trafos, krejt problemi është këtu pasi gypat janë të vogël dhe nuk e përpijnë dhe mandej rritet niveli i ujit, problem është këtu”, tha Azem Guta.

“Rasti i djeshëm ka qenë i jashtëzakonshëm, dëmet nuk janë edhe të vogla, niveli i ujit ka shkuar deri 15 centimetra pasi drenazhimi nuk ka shkuar siç duhet, edhe pse nuk e di ende vlerën e dëmit që është shkaktuar por çdo kontakt i mediapanit dhe ivericës që kontakton me ujë ajo nuk vlen më, ka pas pengesë diçka dhe nuk ka funksionu drenazhimi”, tha Rasim Rexhepi.

Përfaqësues të këtyre bizneseve thanë se ka disa vite që kanë njoftuar komunën për këtë problem, por se ende nuk është bërë ndonjë zgjidhje. Ata theksuan se sot janë vizituar nga përfaqësues të Ministrisë së Infrastrukturës për t’i vlerësuar dëmet e shkaktuara nga reshjet e djeshme.

Ferizaj

Humb jetën një punëtor në një objekt në ndërtim në Ferizaj

Published

10 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

4 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.