Ferizaj

LDK: Projekti ‘’Bashkimi i qytetit’’ thellon ndarjen

Published

8 years ago

19 July, 2018

Projekti “Bashkimi i qytetit”, që sipas pushtetarëve do të nis së realizuari së shpejti, nga ish-kryetari i komunës së Ferizajt Muharrem Svarqa, po vlerësohet si investim që do të bëj ndarje të qytetit. Përmes një konference me gazetarë, kryetari i degës së LDK-së në Ferizaj, ka thënë se përmes realizimit të këtij projekti komuna po humb njërin nga projektet më strategjike për të ardhmen e qytetit të Ferizajt, siç është futja e hekurudhës nëntokë.

“Për fat të keq , amendamenti i propozuar për buxhetin e Republikës së Kosovës për studim të fizibilitetit për segmentin e hekurudhës në Ferizaj, i propozuar nga ish-ministri i infrastrukturës, deputeti Lutfi Zharku, nuk u miratua. Për të qenë ironia më e madhe, ky amendament nuk u votua as nga deputetët ferizajas të kësaj legjislature, përveç deputetes Mexhide Topalli dhe tashmë qytetarët janë të informuar se në emër të një projekti që ka pasur një vlerë parallogaritur 100 milionëshe për futjen e hekurudhës nëntokë, tash po kënaqemi me përfitimet përmes marrëveshjes së bashkëpunimit prej 10 milionë euro, por që në ofertën e ofertuesve janë reduktuar në 6 milionë euro dhe kjo tregon për mungesën e seriozitetit të betonimit të këtyre nënkalimeve”, tha Svarqa.

E, derisa Svarqa e quajti Aliun kryetar pa vizion të zhvillimit të kësaj komune si dhe pa plan qeverisës, kryetari Agim Aliu tha se nuk e paska ditur që Muharrem Svarqa është ekspert i kësaj çështje.

“Ky projekt është i studiuar nga grupi i madh i ekspertëve të të gjitha fushave, nga ekspertë të ndërtimtarisë, arkitektë të telekomunikacionit do të thotë është një grup i madh i tyre dhe unë nuk njoh këtë cilësi tek Svarqa, unë e di që ai është gjuhëtar. Sa i përket çështjes së projektit të mëhershëm, unë po besoj se zotëri Svarqa nuk do të duhej ta luante rolin e kompensatorit, të asaj që e ka pjesë të vet të përgjegjësisë. Ai projekt ka qenë kryesisht projekt i sigurisë dhe jo projekt i çështjeve të tjera, madje vet penguesit kryesor për një trajtim serioz kanë qenë pikërisht ish-qeveria e kaluar”, tha Aliu.

Svarqa ka akuzuar kryetarin Agim Aliu se me këtë projekt është duke e shkelur ligjin, pasi që sipas tij, ky investim kapital nuk është fare në buxhetin e komunës për vitin 2018, e as nuk ka kod buxhetor paraprak për të. Ai ka shtuar se komuna po bën shpenzime koti, duke kontraktuar firma të reja për t’i hartuar projektet e pushtetit të ri.

“Hapja e konkursit për tenderimin e hartimit të këtij projekti po ashtu është një çështje në vete, për shkak se komuna ka pasur operator për hartim të projekteve dhe duplifkimi i tyre është humbje e parasë publike si dhe një vajtim krokodili për borxhet të cilat kinse i ka trashëguar komuna e Ferizajt dhe mungesa e menaxhimit të parasë publike tregon edhe për mungesë transparence”, tha Svarqa.

‘’Unë si kryetar komune kam dashur të marrë sa më shumë ide në mënyrë që të ketë një konkurrencë në kuadër të këtij projekti dhe në fund ka përfunduar me një konkurs që ka ardhur deri ky epilog. Unë po besoj shumë që të përfundoj sa më mirë procesi i tenderimit dhe këtë projekt ta fitoj një kompani serioze, sepse ky investim flet për një vizion që do të shërbej edhe për komuna tjera që pak a shumë kanë probleme të ngjashme”, tha Aliu.

Nga kjo konference për media, drejtues të LDK-së kanë kritikuar qeverisjen Aliu se nga kryeneçësia po i humb projektet milionëshe të ish-qeverisë së LDK-së.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

5 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

6 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.