Ferizaj

Komuna në pritje të donatorëve për ndërtimin e objektit të Organizatës së Pensionistëve

Published

6 years ago

16 December, 2020

Janë bërë një vit që kur është rrënuar objekti i Organizatës së Pensionistëve në Ferizaj, rrënimi i të cilit ishte bërë me qëllim të ndërtimit të rrethrrotullimit në rrugën “Ramadan Rexhepi”, mirëpo edhe pse kanë kaluar më shumë se 12 muaj një objekt për pensionistët e Ferizajt nuk ka nisur të ndërtohet, derisa komuna po vazhdon financimin e kësaj organizate ashtu siç ishte paraparë në marrëveshje.

Drejtori i Pronës, Gjeodezisë dhe Kadastrit Sabri Murseli, tha se parcela për këtë objekt tashmë është ndarë, mirëpo për ndërtimin e tij presin ndihmën e donatorëve.

“Komplet projekti sa i përket çështjeve pronësore ka kaluar përmes Drejtorisë së Pronës, ne përmes Kuvendit kemi bërë këmbim të pronës, nuk ua kemi marrë pronën atyre, ju e dini që rreth 20 ari parcelë është ndarë për pensionistët, është afër Cosmo-s, pritet që në atë parcelë të implementohet projekti i pensionistëve për të cilin komuna e Ferizajt veçse ka ndarë buxhetin, është një projekt 3-vjeçar, mirëpo do të shikohet mundësia përmes donatorëve që të filloj implemetimi i këtij projekti, ndërsa sa i përket parcelës i plotëson të gjitha nevojat për këtë shoqatë”, tha Murseli.

Në konferencën për media që kishte thirrur drejtori i Pronës, Gjeodezisë dhe Kadastrit për të raportuar për punën e drejtorisë së tij gjatë vitit 2020, u vu theksi tek sipërfaqja e tokës rreth 1.5 hektarëshe që qytetarët ia kanë falur komunës për të mundësuar zhvillimin e projekteve të ndryshme infrastrukturore. Ai po ashtu njoftoi se gjatë këtij viti ka pasur shtim të kërkesave të qytetarëve për regjistrim të pronësisë në emër të të dy bashkëshortëve.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

7 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.