Ferizaj

Drejtoria e Infrastrukturës e painformuar për aksionet e Inspektoratit Komunal

Published

5 years ago

21 December, 2020

Në fillim të këtij muaji, Inspektorati Komunal i Ferizajt kishte urdhëruar kompaninë e cila është duke i realizuar punimet në projektin “Bashkimi i Qytetit”, që të ndërpres përkohësisht punimet derisa të bëhet vlerësimi i rrezikshmërisë së rrëshqitjeve të dheut në pjesën e rrugës “Vëllezërit Gërvalla”, por përkundër kësaj punimet aty nuk u ndalën asnjëherë.

Edhe pse punojnë në të njëjtin objekt, drejtori i Drejtorisë së Infrastrukturës në Ferizaj Arbër Bytyqi, thotë se nuk është në dijeni për këtë vendim të inspektoratit.

“Për këtë çështje duhet t’i drejtoheni Inspektoratit Komunal apo të Punës nëse ata kanë dhënë rekomandime të tilla, ata janë institucion i veçantë dhe i pavarur dhe ata duhet t’i marrin masat konform ligjeve në fuqi. Nuk na përket neve që të marrim masa për mosrespektim të një urdhërese të Inspektoratit. Unë nuk kam asnjë informatë zyrtare nga Inspektorati Komunal që të ndërprehen punimet, përndryshe sikur të kisha informatë të tillë do të urdhëroja kompaninë për ndërprerje të punimeve”, tha Bytyqi.

E, teksa rreziku për shembjen e dheut në këtë vend ku po kryhen punimet po rritet ditë e më shumë, aty nuk janë vendosur pilot anësor të cilët do të parandalonin rrëshqitjen e dheut. Bytyqi thotë se nuk ka pasur kushte teknike për vendosjen e tyre.

“Në shumicën e projektit ku ka pasur mundësi të vendosen pilotë që janë të paraparë nga kompania janë vendosur, në zonën për të cilën po flasim fatkeqësisht ka qenë e pamundur vendosja e pilotëve për shkak të afërsisë së ndërtesave, përndryshe vendosja e pilotëve do t’i dëmtonte edhe ndërtesat përrreth dhe për këtë arsye nuk ka pasur mundësi teknike dhe për këtë nuk janë vendosur ato”, tha Bytyqi.

Këto komente drejtori i Infrastrukturës Arbër Bytyqi, i bëri gjatë konferencës për media të cilën e kishte thirrur për të raportuar për punën e kësaj drejtorie gjatë këtij viti, ku tha se kanë realizuar shumë projekte infrastrukturore në këtë vit duke premtuar se projeket në të mirë të qytetarëve do të realizojnë edhe vitin e ardhshëm.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim