Ferizaj

Kolegët i japin lamtumirën e fundit dr.Afrim Tashollit

Published

5 years ago

24 December, 2020

Punëtorët shëndetësor të Ferizajt u rreshtuan sot në të dyja anët e rrugës përballë Spitalit të Ferizajt, ku me buqeta lulesh në duar i dhanë lamtumirën e fundit kolegut të tyre anesteziolog Afrim Tasholli, i cili ndërroi jetë dje si pasojë e infektimit me COVID-19.

Drejtori i Spitalit të Ferizajt Jeton Zeqiri, tha se ky spital e humbi punëtorin më të vyeshëm e më të dashur.

“Dje morëm lajmin më të hidhur, kolegu ynë Afrim Tasholli ndërroi jetë, kështu që për shkak të pandemisë nuk kemi mundur me organizu mbledhje komemorative. Afrimi dha kontribut të madh këtu si shef i anestezionit duke marrë pjesë në mijëra operacione, duke shpëtuar shumë jetë, i pakursyer në angazhimin e tij, pa orar, duke dhënë kontributin e tij edhe tani në pandemi duke u bërë dëshmori i parë shëndetësor në regjionin tonë që nuk ka mundur ta triumfoj betejën me COVID”, tha Zeqiri.

Lajmi për vdekjen e doktor Afrim Tashollit, i ka tronditur edhe kolegët e tij me të cilët punoi shumë vite.

“Lajm i trishtuar, mbi 20 vite bashkë sot po ndahemi me të, la keq institucionin, familjen, shoqërinë, ai ishte i tillë që nuk diti kurrë kënd ta hidhëroj, ta zemëroj, ishte i shkëlqyshëm por më se kemi“, u shpreh dr. Sylejman Metushi.

“Është humbje e madhe për mjekësinë ferizajase, neve na ka prekur në shpirt humbja e kolegut”, tha dr. Njazi Vishi.

Doktor Afrim Tasholli i cili vdiq në moshën 54 vjeçare, u varros në varrezat e Ferizajt.

Ferizaj

Arrestohen tre të dyshuar për hajni në disa markete të Ferizajt

Published

3 days ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

7 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

1 week ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: