Ferizaj

Në meshën e Krishtlindjes, thirrje për paqe dhe solidaritet

Published

6 years ago

25 December, 2020

Besimtarët katolik anekënd botës po kremtojnë festën më të gëzuar të krishterë, atë të Krishtlindjes.

Për nder të kësaj feste në kishën katolike ‘’Engjëlli i Rojës” në Ferizaj, mëngjesin e sotëm është mbajtur mesha e Krishtlindjes, të cilën e ka udhëhequr famullitari i kësaj kishe Don Viktor Sopi, i cili kërkoi nga Zoti falje për popullin dhe më shumë dashuri mes tyre.

“Porosia e Krishtlindjes sot është që në të bëhemi djep ku Zoti zbret dhe e ngrohë jetën e njeriut në këtë tokë”, tha Sopi.

Sopi bëri thirrje që të ketë sa më shumë paqe dhe solidaritet.

“U dëshiroj të gjithë qytetarëve, njerëzve të vullnetit të mirë që me të vërtet të kemi sa më shumë paqe dhe atë ta reflektojmë në marrëdhëniet tona mes vete”, tha Sopi.

Për shkak të situatës me pandeminë, këtë vit kisha katolike ”Engjëlli i Rojës” në Ferizaj, nuk ka pritur vizitorë.

Ferizaj

Policia në Ferizaj shqipton 240 gjoba trafiku në 24 orët e fundit

Published

1 day ago

26 June, 2026

Redaksia

Policia Rajonale në Ferizaj ka njoftuar se brenda 24 orëve të fundit është raportuar një aksident trafiku ku si pasojë u lëndua një person. Gjatë këtij harku kohor njësitet e trafikut kanë shqiptuar gjithsej 240 gjoba për kundërvajtje.

Më së shumti janë shqiptuar gjoba për tejkalim të shpejtësisë, 74 sosh dhe 48 të tjera për mosrespektim të shenjave të komunikacionit.

Po ashtu, si rezultat i shkeljeve të rënda të rregullave të trafikut, policia ka konfiskuar 1 automjet, 4 skuterë/motoçikleta dhe 4 patentë shoferë.

Ferizaj

Arrestohen dy persona në Ferizaj për sulm dhe therje me thikë

Published

4 days ago

24 June, 2026

Redaksia

Dy persona janë arrestuar nga policia në Ferizaj nën dyshimin se kanë sulmuar me thikë një burrë.

Sipas raportit 24 orësh të policisë, viktima ka pësuar lëndime dhe është dërguar për tretman mjekësor në QKUK në Prishtinë. Raportohet se ngjarja ka ndodhur në mesditën e së martës.

Të arrestuarit janë dërguar në mbajrje derisa rasti po hetohet si lëndim i lehtë trupor.

Ferizaj 23.06.2026 – 12:15.

“Janë arrestuar dy të dyshuar meshkuj kosovarë nën dyshimin se kanë sulmuar me thikë viktimën mashkull kosovar. Viktima ka pësuar lëndime dhe është dërguar për tretman mjekësor në QKUK. Me vendim të Prokurorit, të dyshuarit pas intervistimit janë dërguar në mbajtje”, thuhet në raport.

Ferizaj

Ferizajasi dorëzon në polici portofolin e gjetur me dokumente dhe 160 €

Published

1 week ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.