Ferizaj

2020-ta vit i vështirë për bizneset

Published

6 years ago

28 December, 2020

Viti që po e lëmë pas po konsiderohet si viti më i vështirë për ekonominë në përgjithësi, por edhe një goditje e madhe që po e rëndon jetën e qytetarëve si pasojë e pandemisë COVID-19.

Kjo pandemi ndikim të madh ka pasur tek pothuajse të gjitha bizneset, por një ndër sektorët që është dëmtuar mjaft shumë është ai i gastronomisë.

Afërdita Hoxha, pronare e hotelit dhe restorantit “Cotto” në Ferizaj, thotë se ky vit ishte shumë sfidues për biznesin e saj.

“Fillimisht kishim mbyllje totale si e gjithë bota, pastaj kur u rikthyem patëm shumë probleme, kapacitete të reduktuara të stafit, klientëve, pastaj u sfiduam me shumë masa mbrojtëse, kështu që në aspektin e biznesit ishte një vit shumë i vështirë për me udhëheq. Kur zgjohesh në mëngjes nuk e din deri në sa ora mundesh me punu, pastaj ka qenë edhe një lloj panike e mbylljes se ku jeton për shkak të orës policore”, tha Hoxha.

Hoxha thotë se këtë vit humbjet ishin shumë të mëdha.

“Ne jemi duke bërë mbylljen e vitit, nëntori ishte muaji më i dobët që nga fillimi i këtij viti, e kjo kryesisht ka të bëjë me masat e Qeverisë që u vendos me punu deri në orën 18:00, më mirë do të ishte me u mbyll krejt gastronomia pasi shpenzimet fikse vazhdojnë me i pas bizneset si punuam deri në orën 18:00 si deri në orën 21:00, kështu që hyrjet zvogëlohen pasi qytetarët i frekuentojnë restorantet në mbrëmje. Besoj që ky vit ka me u mbajt mend shumë gjatë nga të gjithë. Një situatë të tillë nuk e kemi parashikuar, kemi kaluar në shumë sfida, atë të luftës, por këtë jo, që me u bë një bllokadë totale biznesore dhe shëndetësore ishte e paparashikueshme pasi ne nuk kemi strategji të veprimit, punojmë sot për sot”, tha Hoxha.

Sipas Administratës Tatimore të Kosovës deri më tani llogaritet se bizneset shënuan humbje deri në 1.2 miliard euro. Nga Pakoja Emergjente Fiskale dhe ndihmë për bizneset, Qeveria e Kosovës ka ndarë jo më shumë se 150 milionë euro deri më tani.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

4 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.