Ferizaj

LVV e Ferizajt hap zyrtarisht fushatën zgjedhore

Published

5 years ago

03 February, 2021

Lëvizja Vetëvendosje në Ferizaj ka hapur zyrtarisht fushatën elektorale për zgjedhjet e 14 shkurtit.

Kandidatët e kësaj partie për deputetë nga Ferizaj, marshuan sheshit të qytetit ku vizituan edhe disa biznese që operojnë përgjatë këtij sheshi.

Liridona Gashi, sekretare organizative e Lëvizjes Vetëvendosje në Ferizaj, tha se deri më 14 shkurt do të trokasin derë më derë për të kërkuar mbështetjen e qytetarëve dhe për t’iu treguar se sa i nevojshëm është ndryshimi për vendin.

“Sot zyrtarisht fillojmë fushatën nëpërmjet së cilës ne si Lëvizje do të shkojmë derë më derë, lagje më lagje e nëpër familje nëpërmjet kandidatëve që ne kemi zgjedhur të na përfaqësojnë këto ditë neve, ndërsa në Kuvend për t’i përfaqësuar të gjithë qytetarët. Fushata do të jetë intensive ngase nevoja për ndryshime është e domosdoshme, referendumi i 14 shkurtit padyshim do të tregoj se sa po përkrahet Lëvizja e sa të rëndësishëm e kemi ndryshimin”, tha Gashi.

Përveç 7 kandidatëve nga Ferizaj, në listën e Vetëvendosjes për deputetë janë edhe dy kandidatë të tjerë nga ky qytet që i takojnë nismës ”Guxo” të Vjosa Osmanit.

Gashi thotë se në disa raste do të bëjnë fushatë bashkërisht me ta.

”Jemi dakorduar me ta, do të tentojmë që një numër takimesh e tubimesh t’i bëjmë të përbashkëta edhe pse ne planifikojmë që ndaras ta bëjmë fushatën, por ku e shohim të arsyeshme që të jemi bashkërisht do të bëjmë fushatë edhe bashkë”, tha Gashi.

Fushata për zgjedhjet e parakohshme parlamentare ka filluar sot dhe do të vazhdoj deri më 12 shkurt.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim