Kosovë

Haxhi Avdyli: 14 shkurti e dërgon Isa Mustafën në pension

Published

3 years ago

09 February, 2021

Kandidati për deputet i “Listës Vjosa”, Haxhi Avdyli, sot në murin e tij të Facebook-ut ka lansuar kritika të rrepta ndaj ish-shefit të tij të partisë, Isa Mustafa, duke i bërë thirrje elektoratit të LDK-së që ta dërgojë në pension duke votuar për ndryshime politike në Kosovë më14 shkurt.

Në vazhdim po e publikojmë postimin e plotë të kandidatit Haxhi Avdyli:

“Ku është Isa Mustafa?

Ai tani rri i qetë diku, pa qarë kokën, derisa të tjerë kërkojnë votën për të. Ai sështë në lista për deputet, por me 15 shkurt ai dhe nje grup pa legjitimitet, ka rrezik prapë ta marrin në dorë fatin e nje populli të tërë, siq e morrën në vitin 2019 duke torturuar një opinion të tërë me negociata pa fund për postin për President për vete. Prandaj me 14 shkurt duhet të dalim #KREJTdheDREJT në zgjedhje për ta shpëtuar Kosovën nga ky politikan që fatin e vendit e rrezikon për interesa puro personale. Me 14 shkurt pas 40 vite karrierë votuesi i LDK-së ka shans me votë të dërgoi z. Mustafa në penzion ,duke mos lënë Kosovën e ngulfatur nga ai. Ska dyshim që në mes 110 kandidatëve në LDK njoh plot djem e vajza të mira që meritojnë votën por me 15 shkurt ata që mund të zgjidhen svendosin asgjë as për koalicionet , as politika e mëdha për vendin. Vendos Isa me një grup të panjohur, krejt bazuar në interesa të tyre grupore.

Prandaj VOTA masive për ndryshim, krijon premisa për shpetimin e LDK-së, por mbi të gjitha Kosovës nga politikanë të papërgjegjshëm, intrigant, shpifës manipulator, tinëzar, e jolegjitim si Isa Mustafa. Vota masive #KrejtdheDrejt127 është parakusht për QEVERI STABILE reformuese e zhvillimore, para një destabiliteti institucionale e politik, për teke të një njeriu që karrierën është dashtë ta mbyllë në vitin 1989 kur populli Kosovës shkeu librezat e Lidhjes komuniste e jo në vitin 2021 kur Kosova ballafaqohet me shumë sfida .Kosova si ka borgj atij as askujt ,po ai i ka borgj shumë qytetarëve brenda dhe jashtë i cili gezoi tërë privilegjet nga vitet 80, pastaj në vitet 90 duke menagjuar 3%, duke mbajt tërë pozitat e duke humbur të tëra në zgjedhje. Ai ka përgjegjësi direkte që mbajti në pushtet disa parti tjera që ishin përgjegjëse për keqeverisje e zhvatje. Prandaj Kosova ka nevojë për qasje të re me njerëz të parimor si Vjosa e Albini me Qeveri me duar të pastra, që mbajnë fjalën dhe punojnë për qytetarin e jo veq për rehatimin për vete në kolltuqe. Edhe 5 ditë kur keni shansin për të votuar #krejtdhedrejt e për ta vendosur për një Kuvend e Qeveri stabile që svaret nga ambiciet e sëmura nga politikanë të së kaluarës. Vullneti juaj i treguar keto ditë në terren po flet që fitorja do jetë plebishitare, prandaj edhe ju disa që keni pak hezitime bashkohuni me NDRYSHIMIN. “

Kosovë

Pakot e cigareve dhe duhanit tash e tutje me ilustrime dhe porosi për efektet negative

Published

2 days ago

26 April, 2024

Redaksia

Të enjten ka hyrë në fuqi udhëzimi administrativ që përcakton rregullat për vendosjen e fotografive apo ilustrimeve të tjera dhe tekstit / mesazhit informues për efektet negative të duhanit, në paketimet e produkteve të duhanit dhe të ndërlidhura me duhanin.

Ky udhëzim bazohet në Ligjin për Kontrollin e Duhanit, dhe u nënshkruar nga ministri i Shëndetësisë. Sipas Ministrisë së Shëndetësisë , aplikimi i vërejtjeve të kombinuara apo paralajmërimeve për rreziqet nga duhani është masë që, bazuar në dëshmitë shkencore, në vende të ndryshme ku është aplikuar, ka ndikuar në uljen e përdorimit të duhanit, sidomos nga të rinjtë.

“Përmes vendosjes së vërejtjeve shëndetësorë në produktet e duhanit synohet të ngritën njohuritë e duhanpirësve për efektet shëndetësore negative që shkakton përdorimi i produkteve të duhanit dhe, gjithashtu, synohet të inkurajohet ndërprerja e pirjes së duhanit si dhe dekurajimi i nisjes ose ri-nisjes së pirjes së duhanit”, thuhet në komunikatë.

Kosovë

Edhe dy muaj paraburgim për të dyshuarit e sulmit në Banjskë

Published

4 days ago

25 April, 2024

Redaksia

Gjykata Themelore në Prishtinë ka aprovuar kërkesën e Prokurorisë Speciale të Republikës së Kosovës, duke ua vazhduar masën e paraburgimit edhe për dy muaj tre të dyshuarve për sulmin terrorist në fshatin Banjskë të Zveçanit.

Vladimir Toliq, Blagoje Spasojeviq dhe Dushan Maksimoviq janë të ngarkuar për veprat penale “Vepra të rënda kundër rendit kushtetues dhe sigurisë së Republikës së Kosovës” dhe “Kryerje e veprave terroriste”.

Sipas kërkesës fillestare të Prokurorisë, ata dyshohen se bashkë me një grup personash, në mënyrë të organizuar dhe të armatosur si dhe me dhjetëra vetura të mbushura me armatim, municion dhe veshje ushtarake, kanë hyrë ilegalisht në Kosovë.

Më 24 shtator 2023 ky grup terrorist bllokoi rrugën në Banjskë me dy kamionë, ku pastaj me granata dhe me armë sulmuan dy zyrtarë policor. Nga ky sulm mbeti i vrarë rreshteri Afrim Bunjaku kurse u plagos zyrtari policor, Alban Rashiti.

Arbëri

Balotazhi për president të Maqedonisë së Veriut më 8 Maj

Published

4 days ago

25 April, 2024

Redaksia

Nga rezultatet preliminare pas numërimit të mbi 99% të votave, në raundin e dytë të zgjedhjeve presidenciale në Maqedoni të Veriut, do të përballen, Gordana Siljanovska- Davkova, dhe presidenti aktual, Stevo Pendarovski.

Sipas Komisionit Shtetëror të Zgjedhjeve (KSHZ), kandidatja e partisë opozitare VMRO DPMNE-së, Gordana Siljanovska- Davkova,u rendit e para me 39.64% të votave kurse Stevo Pendarovski nga LSDM-ja, është renditur i dyti me 19.93%.

Ministri aktual i Punëve të Jashtme i Maqedonisë së Veriut, Bujar Osmani, kandidat për president nga BDI-ja, u rendit i treti pasi ka marrë 120.903 vota ose 13.36%, ndërkaq Arben Taravari nga koalicioni i partive opozitare shqiptare, është i katërti me 83.356 vota ose 9.21%.

Raundi i dytë i zgjedhjeve presidenciale bashkë me zgjedhjet parlamentare do të mbahet më 8 maj.