Ferizaj

Krasniqi: Kosova përballë valës së re të Covid-19

Published

5 years ago

10 March, 2021

Drejtori i Shërbimit Spitalor Klinik Universitar të Kosovës Valbon Krasniqi, gjatë një vizite që i bëri Spitalit të Ferizajt, tha se Kosova po hynë në një valë të re të pandemisë Covid-19, andaj kërkoi që të respektohen masat anti-Covid.

“Kosova po hynë në një fazë të re të një shpërthimi të mundshëm epidemik. Shifrat po shihen që kanë shënuar rritje dhe po ashtu gjatë 10 ditëve të fundit ne kemi 150 pacientë më shumë të shtrirë nëpër spitalet tona. Përderisa më 1 mars kishim 528 pacientë të shtirë në nivel të Kosovës, sot kemi 674 pacientë të shtrirë. Ne në QKUK dje jemi detyruar të krijojmë hapësia të tjera dhe kemi filluar të lirojmë edhe klinikat e bllokut internistik pasi tashmë kapacitet e klinkës së sëmundjeve infektive, të pulmologjisë dhe objektit të mjekësisë sportive tani më janë plotësuar, prandaj duhet shtuar kujdesi dhe po e përsëris prapë virusi hynë në organizëm nëpërmjet mukozës së gojës dhe hundës dhe nëse ne i kemi të mbuluara gojën dhe hundën dhe nuk i prekim me duar dhe nuk jemi në kontakt të afërt me personat me simptoma mundësia e marrjes së virusit është më e vogël”, tha Krasniqi.

Ndërkaq, drejtori i Spitalit të Ferizajt Jeton Zeqiri, tha se në këtë spital janë të shtrirë 35 pacientë dhe se situata është e menaxhueshme.

“Gjendja në spitalin tonë është e menaxhueshme, ne i e kemi 35 pacientë të hospitalizuar, ne jemi në vazhdimësi duke e përcjellur situatën dhe ditët në vijim me rastin e rritjes së rasteve do të krijojmë hapësira, kështu që i garantojmë qytetarët që të gjithë do të marrin shërbime dhe nuk ka nevojë të ketë panik sa i përket hospitalizimit”, tha Zeqiri.

Drejtori i SHSKUK-së Valbon Krasniqi, shtoi se Spitali i Ferizajt së shpejti do të bëhet me aparaturë të CT-së.

”SHSKUK-ja bazuar në kompetencat dhe mundësitë e veta të gjitha spitalet i trajton në mënyrë të barabartë, ne kemi bërë furnizme të mjaftueshme gjatë këtij viti të fundit qoftë me pajisje mjekësore duke përfshirë monitorë e respiratorë, po ashtu kemi vendos që në Spitalin e Ferizajt të sjellim edhe një aparat të CT-së për herë të parë që prej vitit 1999 nuk ka në Spitalin e Ferizajt, por edhe pajisje të tjera mjekësore të nevojshme. Sa i përket barnave dhe materialit shpenzues ne kemi arritur ta stabilizojmë këtë shërbim”, tha Krasniqi.

Krasniqi ndër të tjera tha se e kanë përgatitur planin e vaksinimit duke përcaktuar edhe qendrat se ku do të bëhet vaksinimi.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim