Ferizaj

Spitali i Ferizajt furnizohet me shtretër për pacientët me koronavirus

Published

5 years ago

19 March, 2021

Spitali i Ferizajt është furnizuar me 20 shtretër nga Shërbimi Spitalor Klinik Universitar i Kosovës, në mënyrë që të rritet kapaciteti i këtij spitali për të trajtuar pacientët me koronavirus, pas shtimit të numrit të personave të shtrirë aty.

“Sot kemi pranuar 20 shtretër të ri që janë të nevojshëm dhe të domosdoshëm, ne si institucion kemi pasur mungesë të shtretërve, po ashtu përpos këtyre 20 shtretërve do ta na vijnë edhe 30 të tjerë dhe në këtë mënyrë kemi një kapacitet të shtuar prej 20 shtretërve”, tha drejtori i Spitalit Jeton Zeqiri.

Drejtori i Spitalit të Ferizajt Jeton Zeqiri, tha se në bazë të situatës parashohin hapjen e qendrave Covid edhe nëpër fshatra, për të krijuar hapësira për pacientët që kanë nevojë për trajtim spitalor.

“Në bazë të rekomandimeve të IKSHPK-së ne e presim një rritje pas 10 dite, kështu që ne jemi duke e bërë një organizim dhe shumë shpejtë do ta mbajmë një mbledhje të shtabit që në rast të eskalimit të situatës të gjejmë hapësira të reja siç janë shkolla në fshatin Lloshkobare dhe Qendra e Mjekësisë Familjare në Nerodime që mund t’i ngrisim si reparte për trajtimin e Covid-it”, theksoi Zeqiri.

Në mesin e pacientëve të shtrirë në Spitalin e Ferizajt është edhe bashkëshortja e Ali Azemit, i cili thotë se gjendja e saj ka qenë shumë e rëndë.

“Unë e kam kalur mjaft mirë, po ashtu edhe anëtarët e tjerë, por një sulm i veçantë i është bërë bashkëshortes në frymëmarrje dhe ka pasur shumë probleme dhe me të vërtet ka qenë në situatë të rëndë, 3-4 javë ka qenë në Prishtinë, ndërsa tani është këtu dhe ende është në oksigjeno-terapi. Covid-in e ka kaluar, por është duke i shëruar pasojat që ky virus ia ka lënë“, tha Azemi.

Ai apelon tek qytetarët që t’i respektojnë masat anti-Covid, meqë përveç problemeve shëndetësore, trajtimi i këtij virusi ka edhe kosto të lartë.

“Barnat kanë kushtuar deri në 300 euro, i ka paguar vajza, kështu që kushton mjaft shumë, është absurde për ata që nuk besojnë se ky virus është dhe e falsifikojnë një realitet që është duke i ndodhur popullsisë, prandaj u bëj apel që t’i respektojnë rekomandimet e dhëna për mbrojtje“, tha Azemi.

Derisa gjatë ditës së djeshme numri i pacientëve të shtrirë në spitalin e Ferizajt ishte 55, ky numër sot ka shkuar në 58.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.