Ferizaj

Bëhet thirrje për shpenzim racional të ujit të pijshëm

Published

3 years ago

23 March, 2021

Nxënës të shkollave fillore të Ferizajt vizituan Fabrikën e Ujit në Pleshinë me rastin e Ditës Botërore të Ujit, për të mësuar më shumë rreth kësaj fabrike që furnizon Ferizajn me ujë të pijshëm, si dhe për t’u njoftuar për rëndësinë e ujit dhe shfrytëzimin e arsyeshëm të tij.

“M’u duk shumë mirë këtu, nuk kam pas paramendime për këtu, uji është shumë i shëndetshëm, unë mendoj se është më i shëndetshëm se çdo lëngë tjetër”, tha nxënësja Riga Bytyqi.

Ushtruesi i detyrës së drejtorit të kompanisë “Bifurkacioni” në Ferizaj, Nazif Asllani, bëri thirrje tek qytetarët që të mos e keqpërdorin ujin.

“Llogoja e sivjetme është ”Ta çmojmë ujin”, pasi për çdo vit jemi dëshmitarë që sasia e ujit të pijes për çdo vit vie duke u zvogëluar, kështu që mesazhi i krejt kësaj është ta ruajmë ujin dhe ta përdorim sa më racional, të kujdesemi për natyrën e resurset ujore dhe qëllimi i krejt kësaj është që të bëhet një kujdes sa më i madh i ujit”, tha Asllani.

Asllani garanton qytetarët se uji që del nga kjo fabrikë është i cilësisë së lartë.

“Unë me përgjegjësinë më të madhe mund të them që uji që del nga fabrika është i kualitetit më të lartë dhe i cilësisë më të lartë, këtë e konfirmon edhe Instituti i Shëndetit Publik që merr mostra çdo ditë dhe uji rezulton që është i nivelit kualitativ, do të thotë garantoj që uji është i cilësisë shumë të mirë”, tha Asllani.

Dita Botërore e Ujit është shënuar me 22.03.1993. Kjo ditë shënohet me qëllim të tërheqjes së vëmendjes për kujdesin ndaj ujit të pijes.

Ferizaj

Nga 500 € gjobë dhe 12 muaj ndalesë dy shoferëve për gara të shpejtësisë në Ferizaj

Published

1 day ago

18 May, 2024

Redaksia

Policia Rajonale e Komunikacionit Rrugor në Ferizaj, me datën 17.05.2024 rreth orës 21:00 në rrugën “Driton Islami” në Ferizaj, ka ndaluar dy shoferë; B.O., 23 vjeç dhe A.R., 20 vjeç, të cilët me veturat e tyre po bënin gara të shpejtësisë, duke rrezikuar pjesëmarrësit në komunikacion.

Ndaj tyre policia u shqiptoi nga një gjobë për kundërvajtje sipas ligjit të komunikacionit rrugor, me dënim 500 euro, 5 pikë negative dhe heqje të patentë shoferit për 12 muaj.

Ferizaj

Arrestohet edhe një i dyshuar për plagosjen që ndodhi në prill të këtij viti në Ferizaj

Published

2 days ago

17 May, 2024

Redaksia

Policia e Kosovës ka njoftuar për arrestimin e të dyshuarit të dytë për plagosjen me armë zjarri që ndodhi më 26 prill 2024në rrugën “Zenel Hajdini” në Ferizaj.

Në njoftim thuhet se i dyshuari i moshës 28-vjeçare me inicialet SH.K. është intervistuar në prani të avokatit mbrojtës nga hetuesit rajonal, ndërsa me vendim të prokurorit të rastit, i njëjti është ndaluar në mbajtje për 48 orë.

Gjithashtu policia bëri të ditur se hetuesit rajonal kanë zgjeruar hetimin për kapjen edhe të personave tjerë, si të dyshuar të mundshëm për rastin e datës 26.04.2024.

Njoftimi i plotë:

Ferizaj

Seanca e rigjykimit ndaj Krivaqës dhe Sejdiut shtyhet për 24 maj

Published

3 days ago

16 May, 2024

Redaksia

Në Gjykatën Themelore në Ferizaj seanca e caktuar për sot e rigjykimit ndaj Dardan Krivaqës dhe Arbër Sejdiut, të cilët akuzohen për dhunimin dhe vrasjen e Marigona Osmanit, më 22 gusht të vitit 2021, është shtyrë për 24 maj.

Më herët, Gjykata e Apelit, me aprovimin e ankesës së Prokurorisë Themelore në Ferizaj dhe të mbrojtjes së dy të akuzuarve, e ka kthyer çështjen në rigjykim.

Në aktgjykimin që Gjykata Themelore e Ferizajt e mori më 4 gusht të vitit të kaluar, Dardan Krivaqa u dënua me burgim të përjetshëm për vrasjen e Marigona Osmanit, ndërsa Arbër Sejdiu u dënua me 15 vjet burgim për ndihmë në vrasjen e rëndë në bashkëkryerje.

Sipas të njëjtit aktgjykim, Krivaqa dhe Sejdiu ishin liruar nga akuza për dhunim.

Marigona Osmani u vra më 22 gusht të vitit 2021 në banesën e të akuzuarit kryesor, Dardan Krivaqës, në Ferizaj.