Ferizaj

Dënohen me burg dy të akuzuarit për krime lufte në Nerodime të Epërme

Published

4 years ago

23 March, 2021

Gjykata Themelore në Prishtinë, ka shpallur fajtorë Z.K dhe D.Sh. të akuzuar për krime lufte ndaj popullatës civile në vitin 1999 në fshatin Nerodime e Epërme të Ferizajt. Personi me inicialet Z.K. u dënua me 14 vite e 6 muaj burgim, kurse D.Sh. është dënuar me 7 vjet burgim.

Sipas aktakuzës së përpiluar më 30 dhjetor 2019, i akuzuari Z. K., më 26 mars 1999 rreth orës 22:00 në fshatin Nerodime e Epërme, komuna e Ferizajt, ka marrë pjesë direkt në sulmin e popullsisë civile të nacionalitetit shqiptar, konkretisht familjes N. që nuk kanë marrë pjesë aktive në konflikt të armatosur. I pandehuri në bashkëveprim me kryerës të tjerë, ka marrë pjesë në shkatërrimin e paligjshëm dhe qëllimshëm të pasurisë së kësaj familje, djegien e shtëpive, kafshëve, ushqimin e kafshëve dhe gjithë pasurinë që gjendej në oborr, pasuri kjo që nuk justifikohej me nevoja ushtarake. Tutje, thuhet se i pandehuri ka marrë pjesë në marrjen peng të katër personave të kësaj familje, i cili duke vepruar në bashkëveprim me kryerës tjerë, fillimisht i ka ndarë nga pjesëtarë tjerë të familjes, personat O. N, B. N., A. N. dhe B. N., tani të ndjerë. Pas marrjes të tyre, thelbësisht ka kontribuar në trajtimin mizor të tyre, duke i maltretuar, torturuar, gjymtuar dhe përfundimisht vrarë me armë zjarri, kufomat e të cilëve me qëllim të fshehjes së krimit i kanë hedhur përskaj rrugës magjistrale Prishtinë – Ferizaj, konkretisht në fshatin Babush.

Kurse, i pandehuri D. Sh., sipas aktakuzës, më 1 prill 1999, në cilësinë e inspektorit policor, i armatosur me armë automatike, me qëllim të përdhosjes, poshtërimit dhe trajtimit nënçmues të trupave të pajetë, viktimave O. N., B. N., A. N. dhe I. R., ka urdhëruar që trupat e tyre të varrosen pa dinjitet dhe në kundërshtim me rregullat e luftës të përcaktuara me të drejtën humanitare ndërkombëtare.

Ferizaj

Në Ferizaj numërohen të gjitha votat për subjektet politike

Published

2 days ago

10 February, 2025

Redaksia

Nga përditësimi i fundit i rezultateve zgjedhore sipas komunave, del se në Ferizaj janë numëruar 100 % të votave për subjektet politike pjesëmarrëse në votimet e së dielës.

Nga 118.288 qytetarë me të drejtë vote, të drejtën e tyre e realizuan 55.961 ferizajas ose 47.31% .

Sipas KQZ-së, Lëvizja Vetëvendosje fitoi 50.97% ose 28673 vota të ferizajasve, pasuar nga Partia Demokratike me 27.76% ose 15619 vota dhe Lidhja Demokratike, si subjekti i tretë, që fitoi 12.91% ose 7261 vota.

Për koalicionin e Aleancës për Ardhmërinë e Kosovës dhe Nismës Socialdemokrate votuan 3.12% ose 1757 qytetarë kurse Koalicionin për Familjen e votuan 1016 ferizajas ose 1.81%.

Ferizaj

Prokuroria kërkon paraburgim për të dyshuarin për vrasjen në Manastirc të Ferizajt

Published

6 days ago

06 February, 2025

Redaksia

Prokuroria Themelore në Ferizaj i ka kërkuar Gjykatës që ta caktojë masën e paraburgim prej 30 ditësh të dyshuarit Leutrim Fejza për vrasjen e Bekim Varit në Manastirc të Ferizajt.

Viktima ishte raportuar i zhdukur derisa trupi i tij u gjet më 5 shkurt 2025, nga disa persona në malet e fshatit Manastirc.

Sipas Prokurorisë, ekziston dyshimi i bazuar se më 23 janar, në orët e pasdites, në malet e fshatit Manastirc të komunës së Ferizajt, i pandehuri F.L., në mënyrë mizore dhe për motive ende të panjohura, ka privuar nga jeta viktimën Bekim Vari dhe i njëjti më pas e ka groposur viktimën në një vend në mal, me qëllim të fshehjes dhe zhdukjes së gjurmëve.

Leutrim Fejza u arrestua të mërkurën, më 5 shkurt 2025 dhe aktualisht gjendet nën masën e ndalimit 48 orësh.

Ferizaj

Arrestohen katër persona të dyshuar që po përgatisnin një vrasje

Published

2 weeks ago

30 January, 2025

Redaksia

Policia e Kosovës ka arrestuar katër persona nën dyshimin për përgatitje të një vrasjeje.

Në raportin 24-orësh, Policia ka bërë të ditur se mes Prishtinës dhe Pejë, të dyshuarit u kapën në flagrancë teksa po merrnin armët për kryerjen e vrasjes.

“Gjatë operacionit policor janë kontrolluar vendbanimet e të dyshuarave në katër lokacione të ndryshme ku gjatë kontrollit janë gjetur dhe sekuestruar dy armë, municion të kalibrave të ndryshëm si dhe disa dëshmi tjera të rëndësishme”, thuhet më tej në njoftim.

Tre nga të arrestuarit janë dërguar në mbajtje, ndërsa njëri është liruar në procedurë të rregullt.