Ferizaj

Shpronësimi për varrezat e Ferizajt – 400 mijë apo 3 milionë euro?

Published

8 years ago

30 July, 2018

Versioni i fundit i propozuar nga ekzekutivi komunal për lokacionin e varrezave të Ferizajt afër ish-aeroportit të bujqësisë në Fshatin e Vjetër, mund t’iu kushtojë taksapaguesve të Ferizajt deri në 3 milionë euro. Kjo për arsye se zgjerimi i hapësirës së propozuar në Fshatin e Vjetër do të bëhet me shpronësim të 6 parcelave private, që gjenden në afërsi të magjistrales Ferizaj – Shkup.

Avni Rekaj, njëri ndër 6 pronarët e 13 hektarëve të tokës për të cilat komuna ka propozuar që t’i shpallë si interes të përgjithshëm, thotë se vlera e tokës së tij sipas tregut është 2500 euro për ari. Rekaj shprehet se nëse komuna nuk ia paguan me këtë çmim ai nuk do të pranojë të japë tokën e tij për varreza të qytetit.

“Këtu çmimi i tregut sillet rreth 2500 euro për ari, apo 25 euro metra katrorë, kjo pronë është private unë nuk e kam pas plan me shitë, ma herët kam dashtë me shitë, por nuk e kam shitur se ma kanë pagu lirë dhe kam fillu me punu vetë, kam mbjellë lule shtogu, por tani komuna po donë me i marrë disa parcela këtu për interesa të veta edhe me i pagu, por nëse i paguan me çmim të lirë unë nuk jam dakord me ja dhanë me çmim të lirë, pasi çmimi i tregut sillet rreth 2500 euro për ari dhe tani nuk e di komuna çfarë çmimi ofron, por nëse nuk jemi të kënaqur kemi me bë edhe ankesa dhe nuk jam për me dhanë me çmim të lirë, pasi kjo hapësirë është afër magjistrales dhe nuk është e lirë”, tha Rekaj.

Derisa ky pronar thotë se vlera e tokës së tij është 2500 euro për ari, Drejtoria Komunale e Pronës jep vlerësime shumë më të ulëta të kostos së tokës në atë zonë.

“Duke marrë për bazë shpronësimin e fundit që ka ndodhur nga “Bechtel- Enka”, maksimumi i shpronësimeve ka qenë 900 euro për ari, ndërsa në këtë pjesë sipas mendimit të zyrtarëve që merren me vlerësimin e pasurisë së paluajtshme diku sillet prej 2-5 euro metra katrorë apo 200-500 euro, ndërsa pagesat do të shohim do të planifikojmë se si, qoftë përmes këmbimit apo pagesës, vetë fakti që kemi përfitu prona na ka shty me bë këtë zgjidhje, edhe pse kemi thënë se nuk do të bëjmë shpronësime, por tash është një e mirë se nuk ka protesta nga banorët dhe na ka shty të sakrifikojmë edhe ne sikurse po sakrifikon rrethi i atij fshati, faktikisht komuna do t’i gjejë alternativat se nuk është vlerë e papërballueshme për të ardhmen, për momentin po, por jo edhe për të ardhmen”, tha Sabri Murseli.

Nga Drejtoria Komunale bëhet e ditur se Komuna e Ferizajt ka buxhet për shpronësime vetëm 455 mijë euro, aq sa pritet të jenë në dispozicion edhe për vitin fiskal 2019.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.