Ferizaj

Projekti i nisur për fontanë mbetet moçal

Published

8 years ago

30 July, 2018

U nis për fontanë e mbeti moçal. Muajt po kalojnë e komunarët ferizajas po vazhdojnë të punojnë para kësaj shëmtie që ndodhet tek objektit i komunës. Afër kësaj grope të famshme, po ndodhin edhe aktivitete të ndryshme kulturore, por sipas të gjitha gjasave ajo nuk e ka ndërmend të rregullohet. Drejtori i Infrastrukturës Arbër Bytyqi, po arsyetohet se gropa ka mbetur për shkak se firma tenderuese nuk po e qet edhe asnjë guri, pa pasur mjete buxhetore, e “paratë e shkreta”, komuna nuk i ka.

“Ne jo se nuk kemi dashtë të merremi me gropën, natyrisht qe edhe neve na pengon, por faktikisht ne jemi para një obligimi kontraktual dhe nuk mund të ndërhyjmë brenda kësaj kontrate për shkak se ka obligime ligjore. E kemi kontaktuar disa herë me radhë firmën, por pronarët e saj nuk kanë pranuar të fillojnë punimet. Ne s’mundemi të bëjmë edhe asnjë zgjidhje, pasi që çdo ndërhyrje qe mund ta bëjmë është në kundërshtim me kontratën që komuna ka lidhur me këtë operator për projektin e sheshit. Hezitimi i operatorit është për shkak të kërkesës se komunës që aty të vazhdohet të punohet në ndërrimin e kupëzave, sepse ne mbetemi brenda qëndrimeve që nëse vazhdohet me punime në shesh duhet të ndërrohen kupëzat“, tha drejtori Arbër Bytyqi.

Kjo gropë dhe punët e projektit të sheshit në përgjithësi, shpesh janë kritikuar edhe nga i pari i komunës Agim Aliu. Ai ka thënë se krahas shumë problemeve të trashëguara nga qeverisja e kaluar është edhe ky projekt me shume shkelje ligjore.

“Gropa në fakt është simbolikë e të dyjave, edhe e borxheve edhe e drejtimit çfarë e kishte marrë qyteti i Ferizajt. Sigurisht që unë po përpiqem t’i shlyej borxhet dhe t’i jap një drejtim të ri zhvillimit të Ferizajt, gjithsesi mbi baza ligjore, prandaj kam angazhuar edhe Zyrën Ligjore për këtë çështje të këtij projekti, për faktin se ka punë që janë bërë ashtu siç i shohin për çdo ditë qytetarët e Ferizajt. Unë kam thënë edhe në seancën e Kuvendit që në asnjë çmim dhe në asnjë mënyrë nuk kisha dashur të lejoj një gropë që e shoh për çdo ditë. Nëse një qytetar e sheh atë një herë në javë apo në muaj, unë e shoh çdo ditë pasi aty pranë parkohem, por kam qenë dhe mbetem konsistent si një njeri institucional dhe ligjor, do të vazhdoj të mbetem i tillë dhe po mundohem ta trajtoj këtë problem në këtë formë”, tha Aliu.

Sido që të jetë, derisa komunarët ta zgjidhin këtë problem me operatorin kontraktues qoftë përmes marrëveshjeve apo procedurave të tjera ligjore, stina kur qyteti i Ferizajt ka më së shumti mërgimtarë e turistë, si duket do të kaloj me këtë gropë jeshile nga algat, ndërkaq kur ato bien i ngjanë një moçali në qendër të qyteti.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

19 hours ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

1 week ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”