Ferizaj

PDK: Grafitet në shtëpinë e Graincës vepër e VV-së për t’ia hedhur fajin PDK-së

Published

5 years ago

21 April, 2021

Gjatë natës së mbrëmshme në murin rrethues të shtëpisë së deputetes Adelina Grainca në fshatin Cërrnillë të Ferizaj, u vendosën grafite ku shkruan “Bijat i shesim, votat i qesim”.

Rreth këtij grafiti deputetja dhe familja e saj nuk pranuan të flasin, megjithatë ata lajmëruan policinë.

Zëdhënësi i Policisë në Ferizaj, Kanun Veseli, tregon se Policia e Kosovës ka dalë në vendin e ngjarjes dhe se rasti në fjalë ende është në hetim.

“Jo, tani për tani nuk ka të dyshuar, Policia po grumbullon informacione në vazhdimësi”, u shpreh ai.

Deputetja e Lëvizjes Vetëvendosje Shqipe Metaj-Isufi, grafitet i quan gjuhë seksiste dhe që shfaqin urrejtje ndaj grave. Sipas saj, përmes këtyre grafiteve po tentohet të shpërfaqet mendësia se vajzat e gratë janë objekt i shitjes. Lidhur me përplasjet mes Vetëvendosjes dhe PDK-së se kush i ka bërë ato grafite, Metaj-Isufi thotë se askush nuk duhet ta marrë rolin e hetuesisë.

“Subjekti Partia Demokratike e Kosovës duhet të dalë me një deklaratë, pra duhet të distancohet nga kjo nëse nuk është e organizuar nga ta”, tha ajo.

Ndërsa, zëdhënësi i PDK-së në Ferizaj Selim Marevci, thotë se ideatorë të këtyre llojeve të sulmit është pikërisht Vetëvendosje. Sipas Marevcit kjo parti ka mundur të bëj një gjë të tillë vetëm që të akuzojë PDK-në.

“Gjithmonë Partia Demokratike ka qenë kundër këtyre llojeve të protestave e më së paku me lloje të tilla seksiste siç ka ndodhë me rastin e deputetes në fjalë, e më së paku tek sulmi i pronës private. Ne e dënojmë fuqishëm aktin e tillë dhe u bëjmë apel organeve relevante dhe të hedhet në dritë e vërteta. Me vet faktin që ky sulm u bë pas një muaji e gjysmë që ka dalë deputetja nga PDK, nuk le dyshime që PDK aspak nuk është pjesë e këtyre protestave të tilla. Nuk shkon shumë larg mendësh që Vetëvendosje të bëjë një gjë të tillë vetëm të akuzojë Partinë Demokratike”, tha Marevci.

Deputetja Adelina Grainca e cila e fitoi mandatin duke garuar me PDK-në kaloi në Lëvizjen Vetëvendosje gjatë seancës për zgjedhjen e presidentes ku dhe votoi për Vjosa Osmanin.

Ish-partia e saj, PDK, në vazhdimësi ka kërkuar nga Grainca që të jap dorëheqje nga pozita e deputetes dhe t’ua kthejë mandatin.

Ferizaj

Në Ferizaj raportohen katër bankënota të dyshuara nga 500 €

Published

1 day ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

1 day ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.