Ferizaj

Me pastrimin e tri parqeve shënohet Dita e Tokës në Ferizaj

Published

5 years ago

22 April, 2021

Dita e Tokës në Ferizaj u shënua me aksion për pastrimin e qytetit. Organizatorët dhe vullnetarët u mblodhën para komunës së Ferizajt, ku u pajisën me dorëza e më pas u shpërndanë për të pastruar parkun e ”Liria”, parkun para Spitalit të Ferizajt dhe parkun e Rahovicës.

Organizata studentore Pro-Ars, Sektori i Rinisë së Ferizajt në bashkëpunim me KFOR-in amerikan, morën këtë iniciativë për të vetëdijësuar qytetarët që të mos hedhin mbeturina në hapësirat publike.

Njëra nga organizatoret e kësaj iniciative, Leona Jahiri, thotë se aktivitete në mbrojtje të ambientit do të organizojnë edhe gjatë muajve në vijim.

“Kjo është vetëm iniciativa e parë e cila po fillon sot më 22 prill. Ne në kuadër të planit të punës do të kemi edhe iniciativa të tjera për ruajtjen e ambientit dhe ndërgjegjësimin e qytetarëve. Kemi me ba edhe vendosjen e shportave të mbeturinave në hapësirat e qytetit. Ky është aktiviteti i parë, në muajt e tjerë do të kemi edhe aktivitete të tjera për të mbështetur këtë kauzë”, tha Leona Jahiri, organizatore.

E, Vullnet Ilazi i cili ishte vullnetar në këtë organizim, thotë se kjo simbolikë e pastrimit duhet të vazhdojë edhe në të ardhmen dhe se qytetarët duhet të ndërgjegjësohen për ruajtjen e mjedisit.

“Qyteti i Ferizajt kuptohet që ka nevojë që të pastrohet më shpesh, e ndoshta edhe çdo ditë, kapacitetet e tona nuk janë të mjaftueshme, besoj që ky aktivitet ka me shërby si simbolikë që me u vetdijësu qytetarët dhe me kontribu në mbrojtjen e ambientit”, u shpreh Vullnet Ilazi, vullnetar.

Dita e Tokës shënohet që nga viti 1970, ditë kjo që filloi pas shpërthimit të një pusi nafte në Kaliforni të SHBA-së, nafta e cili mbyti mbi 10 mijë gjallesa ujore bëri që aktivistët e ambientit të avokojnë për ruajtjen e ambientit dhe të shtyjnë përpara edukimin ambiental.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

1 week ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.