Ferizaj

Promovohet monografia “Rrugëtimi 80 vjeçar i SHFMU “Tefik Çanga” në Ferizaj”

Published

4 years ago

07 May, 2021

Në teatrin e Ferizajt u promovua monografia me titull “Rrugëtimi 80 vjeçar i SHFMU “Tefik Çanga” në Ferizaj”, i autorëve Ibrahim Hyseni-Goga dhe Basri Hasani.

Ceremonia e promovimit të librit filloi me një minutë heshtje për bashkëautorin e këtij libri Ibrahim Hyseni, i cili ka ndërruar jetë.

Basri Hasani, autori tjetër i këtij libri, vendosi që sot të mos flasë për librin, por për mikun e tij tanimë të ndjerë Ibrahim Hysenin.

“Sa jam i lumtur që kemi arritur ta përmbyllim këtë monografi aq jam edhe i mërzitur se para kohe iku axha Ibrahim. Po shpresoj se ai sot na sheh nga qielli. Unë sot nuk do të flas për librin. Axhën Ibrahim e njoha në vitin 1984 kur në fshatin tim të lindjes përurohej shkolla e re e Gaçkës e cila edhe sot është ndër bukuroshet e qytetit si objekt shkollor. Ka qenë musafiri më i shpeshtë në zyrën time për këto katër vite, ishte shumë entuziast, ishte shumë i sinqertë. Ishte kënaqësi të punohej me të”, tha Basri Hasani, bashkëautor i librit.

E, recensenti i kësaj monografie Enver Zhinipotoku, tregoi se si kjo shkollë filloi mësimin para 80 vjetësh.

“Libri që lexuesi tani e ka në dorë flet me fakte, dokumente, fotografi. E paraqet rrugëtimin e tij të gjatë e të mundimshëm të shkollës e cila u bë gurthemeli i arsimit shqip në Komunën e Ferizajt, e themeluar me mësues të ardhur nga Shqipëria me urdhër të ministrit të atëhershëm të arsimit Ernest Koliqi”, tha Enver Zhinipotoku, recensent.

Kurse, redaktori i këtij libri Sabit Jaha, përmes një tregimi të Sami Frashërit ilustroi problemet që kishin shqiptarët me mungesën e arsimit.

“Dua ta theksoj për të rinjtë e të rejat që janë sot këtu, do të ju duket si përrallë, nuk është përrallë, por është e njëmendtë. Parafrazoj Sami Frashërin, thoshte: Diku një mërgimtar i yni vajti përtej oqeanit, erdhi një letër të cilën e kishte dërguar, letra u bart në shtatë katunde. Është fjala për Përmetin, pjesa e Dagullisë dhe mezi që e gjetën një lexues që të ua lexonte letrën. Në kohën e Sami Frashërit, Rilindasëve tanë kombëtar të cilët kanë bërë edhe të pamundëshmen që sot ne të kemi këtë dritë të diturisë. Nuk kaloi gjatë kohë dhe erdhi koha që një familje t’i ketë 11 shkollarë”, tha Sabit Jaha, redaktor.

Pas promovimit të librit, në Qendrën Rinore në Ferizaj u mbajt një ekspozitë për shkollën “Tefik Çanga”.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.