Ferizaj
“Dora d’Istria Luxury” treg i prodhimeve nga gratë ferizajase
Ka shumë gra ferizajase që gatuajnë lloje të ndryshme të ushqimeve për konsum komercial, por që kanë vështirësi t’i plasojnë prodhimet e tyre në treg. Një zgjidhje keative e kanë ofruar dy gra afariste me biznesin “Dora d’Istria Luxury”.
Përveç ushqimeve tradicionale dhe ëmbëlsirave që prodhohen me produke të shtëpisë, në këtë biznes ka edhe treg ditor ku shiten prodhime bylmeti dhe bujqësore, por nuk mungojnë as prodhimet e poçarisë.
Ndërsa në dalje nga “Dora d’Istria Luxury”, mund të ndaleni në terasën e biznesit për të pushuar me një kafe.
Florina Ujupi, një nga inicatoret e këtij biznesi thotë se këtë biznes e krijoi nevoja e grave për distribuimin e prodhimeve vendore.
“Kemi thënë, hajde po shkojmë, po bëjmë diçka ne vet edhe çka me bë që me qenë ne të gjitha në një ombrellë, po e hapim një biznes… Ne e kemi ba një ndamje, secila grua me pasë një produkt të caktuar dmth mos me pasë konkurrencë njëra me tjetrën.
E kemi marrë këtë lokal më 27 prill edhe diku për 21 ditë e kemi ba gati, pa fonde e me forcat tona… Emrin e kemi kërku për një kohë të gjatë sepse na u ka nevojitë një femër e fuqishme shqiptare. Nuk kemi gjetë shumë edhe pse Dora d’Istria ma shumë simbolizon shkollimin e femrës edhe pse biznesi është edukim dhe shkollim sepse ne pretendojmë që ky biznes me u zgjeru në bazë të vizionit që e kemi, me pasë edhe departamente të tjera.”
Shemsie Musa-Çerkini, tregon se cilat ushqime gatuhen nga gratë e “Dora d’Istria Luxury”.
“Zakonisht më shumë kërkohen brumërat, pitet, kollpitet, fliat. Tash kemi fillu edhe me ofertat e drekës, sot kemi turli, supë me perime. Kërkesa ka sepse krejt çka bëjmë janë të shtëpisë, nuk është burek por pite e shtëpisë, standart është pitja me spinaq, me mish kollpitja, me patate ku e ndryshojmë, një ditë e bëjmë me qepë të reja, gjizë të shtëpisë e me lakër të bardhë. Flia na vjen nga shtëpia, nga koleget që janë pjesë e grupit të gatimit. Ka edhe gra të tjera që gatuajnë pite, vetëm se e kemi me rend me ditë. Mandej është edhe pjesa e shërbesave me çaj, kiflet dhe gatimet tjera, ëmbëlsirat e thata, të ëmbla dhe të njelmëta. Të gjitha punohen nga gratë, dmth siç edhe e patë mas pari bëhet buka, bëhen llokumat për mëngjes, mandej fillohet me pitet dhe kollpitet, e kështu me rradhë deri në kohën e shërbimit.”
Shitorja “Dora d’Istria Luxury” gjendet në rrugën Sejdi Sejdiu në Ferizaj, dhe është e hapur çdo ditë pune nga ora 7 deri në ora 22.
-
Botë1 week agoTrump dhe Irani konfirmojnë arritjen e marrëveshjes për t’i dhënë fund luftës
-
Kosovë1 week agoIsh-ministri Endrit Shala dënohet me dy vjet burgim për konflikt interesi
-
Kosovë7 days agoRutte: KFOR-i në të ardhmen do të ketë deri në 3.500 trupa
-
Ferizaj6 days agoSekuestrohen 60 kg marihuanë dhe arrestohen katër të dyshuar
-
Kosovë7 days agoPas votave me postë afër përfundimit edhe numërimi i votave me kusht
-
Botë5 days agoZvicra konfirmon shtyrjen e bisedimeve SHBA-Iran
-
Ferizaj5 days agoFerizajasi dorëzon në polici portofolin e gjetur me dokumente dhe 160 €
-
Botë2 days agoEvropa në valën e të nxehtit: Temperatura deri në 44°C
-
Botë2 days agoSHBA-ja dhe Irani janë pajtuar për një plan drejt arritjes së marrëveshjes përfundimtare, thonë ndërmjetësit