Ferizaj

LDK akuzon pushtetin për emërime politike nëpër ndërmarrjet publike

Published

8 years ago

02 August, 2018

Emërimet e anëtarëve të bordeve nëpër ndërmarrje publike në Ferizaj nga pushteti i PDK-së, partia më e madhe opozitare në këtë qytet, LDK-ja, po i konsideron procese me shumë shkelje ligjore. Gëzim Kokollari nga ky subjekt politik, gjatë një konference për media, ka përmendur disa nga emrat e emëruar nëpër këto borde, të cilët, sipas tij, paraqesin shkelje të ligjit.

“Në ndërmarrjen “Bifurkacioni” për shembull e kemi rastin e Fisnik Bislimit i cili është kryetar i Forumit Rinor të PDK-së dega në Ferizaj, është zgjedhur anëtar bordi pa pasur as përvojë paraprake, as menaxheriale e as ne kontabilitet siç kërkohet me ligj. Po ashtu kemi Valon Sadikun, i afërmi i kryetarit Agim Aliu, i cili ka qenë po ashtu kandidat për anëtar Kuvendi gjatë zgjedhjeve të fundit dhe i treti në këtë ndërmarrje që është zgjedhur Nexhemdin Bajrami kandidat i AAK-së për asamblist. Emërimet politike kanë vazhduar edhe në ndërmarrjen “Ambienti” ku tre anëtarë bordi siç janë, Fatmir Azizi i AAK-së, Selami Ramiqi nga PDK-ja dhe Faton Xhakli i PDK-së, ndërsa sipas ligjit për ndërmarrjet publike thuhet se nuk kanë të drejtë të zgjedhën anëtarë bordi në ndërmarrje publike asnjë person nëse në tri vitet e fundit ka qenë i kandiduar ose i zgjedhur nga partitë politike anëtarë Kuvendi, deputet apo ka bartur post politik. Kjo pra bie ndesh me ligjin për ndërmarrjet publike, përkatësisht me nenin 17 pika 2. Po ashtu e kemi edhe një shkelje drastike tek Stacioni i Autobusëve ku kemi një konflikt interesi si rast i rrallë në gjithë Kosovën, për shembull Albrim Bytyqi kryesues i bordit të këtij stacioni, e ka emëruar për drejtor ekzekutiv një të afërm të tij shumë të ngushtë familjar, Gazmend Bytyqi. Këtu ka shkelje ligjore për ndërmarrjet publike dhe ligjin mbi konfliktin e interesit”, tha Kokollari.

Me këtë rast, dega e LDK-së ka ftuar organet e drejtësisë që të merren më seriozisht me këto raste.

“Ne i ftojmë të gjitha organet kompetente, duke filluar nga Inspektorati i Punës, Agjencia Antikorrupsion dhe të gjitha ato institucione që kanë për obligim të merren me raste te tilla për ta parandaluar dhe ndaluar këtë dukuri të nepotizmit dhe degradimin e të gjitha institucioneve publike në Ferizaj, sepse po mbytet shpresa e gjithë atyre profesionistëve për të kandiduar në strukturat e ndërmarrjeve publike”, tha Kokollari.

Dega e LDK-së në Ferizaj ka vlerësuar se përmes këtyre emërimeve nëpër ndërmarrje publike, po pushtohen politikisht këto institucione nga kryetari Agim Aliu.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar