Ferizaj

Hapet panairi i prodhimeve bujqësore në Ferizaj

Published

8 years ago

02 August, 2018

Në kuadër të manifestimit “Ditët e Diasporës”, në Ferizaj është hapur panairi i prodhimeve bujqësore. Në këtë panair që është organizuar nga organizata IKC, po marrinë pjesë rreth 100 prodhues nga rajoni i Ferizajt. Në hapjen e këtij panairi ka marrë pjesë edhe kryetari i komunës së Ferizaj Agim Aliu, i cili tha se për qeverinë lokale është prioritet zhvillimi i fushës së bujqësisë.

‘’U ndjeva mirë kur pashë këta fermerë, për punën dhe angazhimin e tyre të palodhur, këta fermerë që i kam çmuar dhe do i çmoj përgjithmonë se janë pjesa që jetojnë me djersën e tyre dhe ne pikërisht duke çmuar djersën e tyre tashmë jemi bërë gjithnjë e më shumë aleat më të fuqishëm të tyre dhe çdo ditë e punës sonë do të tregoj se kjo aleancë do të zgjasë, sepse jemi shumë të sigurt se duke mbështetur dhe duke organizuar panaire të tilla bëjmë një shërbim të rëndësishëm për konsumin e sigurt që sot u duhet qytetarëve të Ferizajt”, tha Aliu.

Kurse, përfaqësuesi i organizatës IKC Ekrem Bajrami, tha se përmes organizimeve të tilla synojnë që prodhuesve vendor t’iu sjellin përfitime.

“Është një kënaqësi për neve si IKC që të bëjmë organizime të tilla e veçmas sot në Ferizaj me përkrahje të komunës, unë falënderoj drejtorin e Bujqësisë dhe fermerët duke u dëshiruar një ditë profitabile”, tha Bajrami.

Të kënaqur me organizimin e këtij panairi u shprehen edhe pjesëmarrësit.

“Kemi lloje të ndryshme të produkteve, turshi, perime e pemë të freskëta, i kemi të gjitha produkte vendore, i kultivojmë vetë, ne jemi disa gra që jemi gjysmë të shkolluara, e kemi gjetur veten këtu dhe mirë na shkon puna por kemi nevojë me na përkrah më shumë dhe është IKC–ja që na dërgon në vende të ndryshme ku ne i ekspozojmë produktet tona”, tha Xheva Haziri.

“Ne jemi nga kompania “Bletaria” nga fshati Komogllavë, merremi vetëm me këtë punë dhe ky panair është i veçantë, është viti pestë me radhë që po mbahet, është i nevojshëm patjetër për shkak se këtu është një sensibilizim më i madh i qytetarëve”, tha Adhurim Halili.

Panairi me prodhime bujqësore i cili po mbahet në bulevardin e qytetit do të qëndroj i hapur tri ditë.

Ferizaj

Në Ferizaj raportohen katër bankënota të dyshuara nga 500 €

Published

4 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

4 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.