Deponi e madhe ilegale në mes të qytetit

Published

4 years ago

19 August, 2021

Përpos dështimit në heqjen e rregullt të mbeturinave, Kompania “Pastërtia” po dështon edhe në parandalimin e deponive ilegale.

Së fundmi, në rrugën “Mic Sokoli” në Ferizaj është krijuar një deponi ilegale e mbeturinave ku krahas pamjeve të shëmtuara dominon edhe kundërmimi.

Në këtë hapësirë, përveç qeseve të plastikës, ka edhe mbetje të forta të ndërtimit, elemente të dëmtuara sanitare, orendi shtëpiake si dhe shishe të plastikës.

Nuk mungojnë as thasët e plastikës e madje edhe veshmbathje të hedhura e goma të vjetra të veturave.

Edhe tek kryqëzimi i rrugëve “Enver Hadri” dhe “7 shtatori” gjendja është e ngjashme.

Nga mos heqja e mbeturinave, kjo hapësirë ka dukjen e një deponie dhe banorët e kësaj lagjeje detyrohen të hedhin mbeturinat edhe anash vendit të duhur.

Tash e disa muaj, në disa lagje të Ferizajt vërehet shtim i konsiderueshëm i mbeturinave edhe përkundër vendosjes të kontejnerëve shtesë.

Policia ia sekuestron dy armë pa leje një personi në Doganaj të Kaçanikut

Published

2 days ago

04 December, 2025

Redaksia

Policia ka shoqëruar në stacion policor të Kaçanikut, të dyshuarin mashkull kosovar, pasi që gjatë kontrollit të shtëpisë së tij janë gjetur dhe sekuestruar dy pistoleta dhe 67 fishekë.

Sipas policisë, nën dyshimin për armë mbajtje pa leje, kontrolli i shtëpisë u zhvillua pasditen e së mërkurës në fshatin Doganaj të Kaçanikut.

Me vendim të prokurorit, i dyshuari është liruar në procedurë të rregullt.

Të martën ndërprerje 9-orëshe e rrymës në qendër të Ferizajt dhe disa fshatra

Published

5 days ago

01 December, 2025

webmaster

KEDS njofton se të martën, për shkak të punimeve në projekte investive, disa zona të Ferizajt do të mbesin pa energji elektrike nga ora 09:00/09:30 deri në 18:00.

Pa energji elektrike do të mbesin:

1. Nga NS Ferizaj III – Dalja J07 Gaçka (09:30 – 18:00)
Greme, Gaçka, Burrnik, Izhanc, Kashtanjeva, Bajnicë, Semaj, Prushaj, Sllatina dhe bizneset private.
Arsyeja: Energjizimi i linjave të reja.

2. Nga NS Ferizaj II – Dalja J10 Banka 1 (09:00 – 18:00)
MBTS Banka, TS Fatmir Rashani, TS Halil Haxhidema, TS TMK Ndërtesa, TS Koncorzium Komuna (përballë Spitalit).
Arsyeja: Projekte investive, konvertimi i Daljes 2 në 20kV.

3. Nga NS Ferizaj III – Dalja J15 Ylli 1 (09:00 – 18:00)
Rr. 12 Qershori, rr. Dëshmorët e Kombit, pjesë të rr. Ismail Qemajli, Tahir Sinani, Toni Bler, Sheshi Hyre Emini, Hekurudha, Kinemaja re – KEDS, Hoteli (MBTS).
Arsyeja: Projekte investive, konvertimi i Daljes 2 në 20kV.