Ferizaj
Vrasja e M.O. trondit opinionin, një i dyshuar nën pranga, tjetri në kërkim
Një ditë pas vrasjes së 18 vjeçares M.O., prej dy të dyshuarve në kryerjen e këtij krimi, njëri tashmë është në duar të policisë, kurse për tjetrin po vazhdojnë hetimet.
Këtë e ka pohuar edhe Kryeprokurori i Prokurorisë Themelore në Ferizaj, Shukri Jashari përmes një konference për media.
Jashari gjatë kësaj Konferencë theksoi se ende nuk dihet as shkaktari i vdekjes së viktimës M.O., për shkak se ende nuk është pranuar raporti i autopsisë.
“Deri më tani kemi të arrestuar një person të involvuar në këtë çështje penale dhe jemi në kërkim të personit tjetër. Gjatë gjithë kohës jemi në koordinim me zyrën e Kryeprokurorit të Shtetit dhe Policinë e Kosovës, tash kemi marrë të gjitha veprimet për arrestimin e të dyshuarit të dytë me inicialet D.K. Prokuroria dhe Policia deri në këtë fazë të hetimeve ka në dispozicion prova të mjaftueshme për të dyshuarit të cilët janë të përfshirë në këtë vrasje”.
Shukri Jashari – Kryeprokuror i Prokurorisë së Ferizajt
Personi i dyshuar për vrasje, Dardan Krivaqa dhe personi tashmë i arrestuar i dyshuar për ndihmë në kryerjen e veprës penale “Vrasje e rëndë”, A.S. janë persona të njohur për organet e drejtësisë pasi që ata veçse kishin kryer edhe më herët vepra penale.
“Sa i përket personit me inicialet D.K. Ky person është i njohur për Policinë dhe Prokurorinë për një numër jashtëzakonisht të madh të rasteve por të gjitha rastet janë të mbyllura. Ka qenë i akuzuar për një numër të madh të veprave penale. Është e vërtetë se edhe personi i dytë me inicialet A.S. është ngritë një aktakuzë ndaj tij qysh në vitin 2018 për tentim vrasje dhe ende nuk është mbajtë shqyrtimi kryesor dhe ky shqyrtim është i caktuar me 23 shtator të këtij viti”
Shukri Jashari – Kryeprokuror i Prokurorisë së Ferizajt
Jashari në pyetjet e gazetarëve nëse e viktima M.O. po bashkëjetonte me forcë me të dyshuarin Dardan Krivaqa, pohoi se nuk ka pasur raportime se ajo po bashkëjetonte me forcë.
Po ashtu Jashari tregoi se në banesën ku u krye vepra janë gjetur pajisje si telefona etj., por jo edhe armë.
“Sa i përket veturës me tabela zvicerane. Personi me inicialet A.S. jeton me vendbanim të përkohshëm në Zvicër dhe dyshohet se ka qenë veturë zvicerane. Tabelat kanë qenë të pa deshifruara, nuk dihet saktë a kanë qenë zvicerane apo jo. Më e rëndësishme është se personat janë identifiku dhe njëri është arrestuar dhe është bërë kërkesa për caktimin e masës së paraburgimit dhe personi tjetër me inicialet D.K, shumë shpejtë do të arrestohet nga ana e policisë”.
Shukri Jashari – Kryeprokuror i Prokurorisë së Ferizajt
Prokuroria Themelore në Ferizaj ka bërë kërkesë për paraburgimin e të dyshuarit, tashmë të kapur A.S., ndaj të cilit gjatë ditës së nesërme do të mbahet edhe seanca e parë dëgjimore në Gjykatën Themelore në Ferizaj.
Ky rast ka ngallë indinjatë në opinionin e gjerë kosovar, kështu që për nesër në ora 12:00 është paralajmëruar një protestë nga Qendra kosovare për studime gjinore, nën moton “Drejtësi për gratë e vrara”.
-
Kosovë5 days agoPresidentja i kërkon sqarim Kushtetueses për emërimin e anëtarëve të KQZ-së, pasi LVV kërkon tre anëtarë
-
Kosovë5 days agoPërvjetori i 27-të i bombardimeve të NATO-s kundër caqeve ushtarake serbe
-
Botë6 days agoTrump thotë se ka “mundësi serioze” për ujdi me Iranin, pasi i pezulloi sulmet ndaj caqeve energjetike
-
Kosovë6 days agoVdes gruaja 73 vjeçare e plagosur mbrëmë në Majac të Podujevës
-
Kosovë3 days agoKushtetuesja: Dekreti i Osmanit s’ka efekt juridik, Kuvendi ka 34 ditë për zgjedhjen e presidentit
-
Kosovë2 days agoKosova një fitore larg Botërorit 2026 pas triumfit ndaj Sllovakisë në Bratisllavë
-
Kosovë2 days agoTë hënën ekzekutohen 500 mijë euro të premtuara nga Kurti
-
Kosovë2 days agoAzemi: Manipulimi me njehsorët elektrikë është vepër penale
-
Kosovë2 days agoKosova dhe Panama heqin vizat për pasaportat diplomatike